Распишан конкурс за наградата „Петре Прличко"

Општина Велес објави  конкурс за доделување на актерската награда за животно дело „Петре Прличко", информира на денешната прес конференција градоначалникот Аце Коцевски.

На конкурсот е назначено дека  предлог за кандидат можат да поднесат физички и правни лица од областа на драмската уметност како драмски уметници, национални и локални  институции и здруженија на граѓани од областа на драмската уметност од Република Македонија.

Кандидатите треба да се професионални драмски актери државјани на Република Македонија.  Приоритет на конкурсот имаат драмските актери од средната генерација. На конкурсот нема да се земаат предвид предлозите со кои кандидатите се предлагаат самите себе си.

Крајниот рок за доставување на предлози е 2 ноември 2018 година, најдоцна до 15:00 часот во Општина Велес, ул.„Панко Брашнар" бр.1, лично или по пошта.

Наградата се состои од плакета со ликот на Петре Прличко и паричен дел.

Наградата е востановена во 2006 година  од Здружението на драмски уметници „Џинот", Народниот театар „Јордан Х.К.-Џинот" од Велес и Општина Велес

Прв добитник на наградата во 2006 година  беше актерот Благоја Спиркоски-Џумерко, а потоа и Емил Рубен, Петар Мирчевски, Благоја Чоревски, Мето Јовановски, Борис Чоревски, Петар Темелковски, Драган Спасов Дац, Александар Ѓорѓиев, Милица Стојанова и Кирил Гравчев во 2016 година.

Лани во 2017,  не беше распишан конкурс и наградата не беше доделена

Во чест на годинашниот добитник на наградата „Петре Прличко" на 10 ноември  на сцената на Велешкиот театар ќе одигра претстава и ќе биде врачена наградата./МИА

Диневски: Бегството на Груевски можеле да го организираат само разузнавачки служби

МВР преку оперативен надзор на движењето на Никола Груевски било должно да го спречи бегството на екс премиерот со оглед на тоа дека тој има забрана за напуштање на Македонија, вели поранешниот разузнавач Александар Диневски. 

 Според него одговорноста за бегството паѓа и кај Управата за безбедност и контраразузнавање  која требало да се спротистави на активноста на унгарската разузнавачка служба, имајќи го во предвид тоа дека Груевски во дел од операцијата, колку што е досега познато, се возел со унгарско дипломатско возило. Поранешниот разузнавач вели дека ваква акција може да спроведе единствено разузнавачка служба.

-Очигледно е дека бегството на Груевски не е само личен чин, туку е во една добра организирана и синхронизирана акција единствено може да ја спроведе разузнавачка служба во конкретниот случај унгарската. Акцијата е успешна од аспект на резултатот, но од професионален аспект сметам дека е аматерски изведена затоа што самата служба оставила преголем број траги кој упатува дека станува збор за организирана акција, која имала за цел да го одвлеќе експремиерот Груевски од Македонија а со тоа да ја избегне и одговорноста за сторените кривични дела, вели Александар Диневски – Поранешен разузнавач.

Диневски не го исклучува и вмешаноста на Србија во бегството на Груевски. Според него, изјавата на претседателот Александар Вучиќ е само невешт обид Србија да се извлече од целиот случај.

-Првпат синоќа се изнесе податок дека Груевски користел привремена патна исправа на Унгарија, која не одговара на официјалните одговори на Албанија и Црна Гора дека Груевски нивните граници ги поминал со лична карта. Мислам дека тоа е невешт обид, и повеќе потврдува дека во конркетниот случај е вмешана и српската држава преку нејзините безбедносни службиистакна Александар Диневски – Поранешен разузнавач.

Диневски вели дека постори ризик односните меѓу Унгарија и Македонија добијат пошироки размери, со што Будимпешта би станала потенцијална пречка во интеграцијата на Македонија во ЕУ и НАТО.  

Амнестија во текот на судскиот процес или по донесена пресуда?

На кој начин и кој се ќе биде амнестиран од обвинетите и осудените за собраниските насилства од 27 април лани е неизвесно со оглед на тоа што собраниската Комисија за помирување допрва треба тоа да го преточи во конкретен текст.

Неофицијално се разгледуваат неколку модели, и тоа  како одредби врз основа на кои ќе се утврди кои од обвинетите биле вклучени во насилствата и не биле организатори, а за тоа ќе се чека пресуда од најголемиот предмет кој се води во скопскиот кривичен суд. Или пак според друг начин тоа би се ценело врз основа на обвинението.

Сепак кој модел ќе се одбере ќе одлучи Комисијата за помирување која треба да заседава до крајот на неделава. Сигурно е дека законот нема да го подготвува Министерството за правда. Министерката Рената Дескоска, спротивно на премиерот Зоран Заев, го повтори ставот дека е против амнестија но рече дека подготвувачот на законот ќе мора точно да дефинира кои дела ќе опфати амнестијата.

Премиерот Заев во петокот во интервју рече дека законот за амнестија би значел ослободување од обвинение за оние кои не учествувале во насилството и не биле организатори на насилниот упад во законодавниот дом. Тоа најверојатно би ги опфатило обвинетите пратеници Крсто Мукоски, Љубен Арнаудов и Сашо Василевски, кои што во собранието поддржаа отпочнување на постапка за уставни измени. Тие пред денешното рочиште за собраниските насилства кое беше одложено не сакаа да ги коментираат најавите на законот за амнестија, но според закажаната агенда за следните рочишта одлучиле да не даваат одбрана туку да се порпрат на исказите на нивните сведоци. А дел од другите обвинети пак не сакаа да коментираат дали е можно селективно да се дава амнестија но сепак очекуваат ослободителна пресуда.

И додека се размислува за можните модели на амнестија, судењето за собраниските инциденти ќе продолжи утре кога треба да се заврши со презентирање на смс и вибер комуникацијата, докази кои се на листата на обвинителството. В понеделник пак ќе се сослушуваат сведоците на одбраната.

Колку пасоши на Македонци ќе се најдат под лупа на Софија?

Колку Македонци може да останат без бугарски пасош, по најавената ревизија на издадените патни исправи од соседна Бугарија на странски државјани.

Над 40.000 издадени бугарски пасоши ќе се најдат под лупа на бугарското министерство за надворешни и Државанта агенција за национална безбедност, по наредба на премиерот Бојко Борисов.

Ќе се чешлаат сите патни исправи издадени на странски државјани во последните пет години. Тие треба да бидат проверени во најкраток можен рок, а резултатите од ревизијата, по барање на премиерот Борисов, ќе треба да му бидат предадени лично нему.

Македонците кои поседуваат бугарски пасоши, според првиот човек на Бугарскиот културен клуб во земјава, Лазар Младенов, не траба да стравуваат дека ќе им биде одземен, бидејќи над 99 проценти од македонските граѓани документите ги добиле по легален пат. Сепак, доколку патната исправа била стекната со заобиколување на неопходните процедури, ќе следува одземање на документот, смета Младенов.

Македонците се најчестите баратели на бугарско државјанство, покажуваат податоците од бугарските институции. Голем интерес за добивање на бугарски пасош има и во Украина, Молдавија, Србија и Русија, а високо на листата котираат и Турција и Израел. Бугарските медиуми одбјавуваат дека од мај 2017 до истиот месец оваа година, вкупно 17.793 лица побарале бугарско државјанство.

Над 10.000 од овие барања се поднесени од македонски граѓани, тврди бугарската министерка за правда Цачева.

Барањето за ревизија на издадените пасоши доаѓа по големиот скандал во Бугарија, кога пред околу еден месец беше откриено дека бугарски функционери земале мито за издавање на патни исправи на странски државјани. Младенов тврди дека станува збор за високи суми од пет до осум илјади евра по лице. Во рамки на спорведената истрага, на 31 минатиот месец усапсен беше директорот на Државната агенција за Бугарите кои живеат во странство, Петар Харалампиев, како и 19 службеници од оваа институција. Поради аферата, најавени се и измени во Законот за издавање на бугарско државјанство.

притисни ентер