Телото на Кашоги било распарчено, а лицето деформирано

Телото на убиениот новинар Џамал Кашоги пронајдено е во градината на резиденцијата на саудискиот конзулат во Истанбул, тврдат неименувани извори за „Скај њуз“.

Еден од извори за „Скај њуз“ тврди дека телото на Кашоги е “распарчено“, а лицето му е целосно “деформирано“.

Претходно денеска, претседателот на Турција, Реџеп Таип Ердоган во обраќањето пред парламентот објави дека телото на убиениот новинар се уште не е пронајдено и побара од Саудиска Арабија да открие каде тоа се наоѓа.

„Зошто телото на некого, за кого и официјално е потврдено дека е убиено, се уште не е пронајдено?“ – изјавил во своето обраќање Ердоган.

„Скај њуз“ потсетува дека засега нема нови информации за наводните аудио-снимки кои се посед на турските власти, а кои наводно докажуваат дека Кашоги бил мачен, убиен, а дека потоа му биле отсечени прстите, а телото распарчено.

Телото на Кашоги пронајдено е во бунарот на територијата на резиденцијата на генералниот конзулат на Саудиска Арабија во Истанбул, изјавил претходно за „Спутник“ лидерот на турската партија Ватан, Догу Перинчек.

Правосудниот испит пак ќе се полага усмено и писмено пред стручна комисија

Воведување усмено и писмено полагање на правосудниот испит пред стручна комисија, врз основа на мерливи и објективни критериуми за процена на знаењето на кандидатите.

Воведување усмено и писмено полагање на правосудниот испит пред стручна комисија, врз основа на мерливи и објективни критериуми за процена на знаењето на кандидатите, предвидуваат измените и дополнувањата на Законот за правосудниот испит, што е ставен на Електронски Регистар на Прописи на Република Македонија (ЕНЕР).

Со ова, Министерството за правда ги почна измените и дополнувањата на Законот за правосудниот испит, со цел негово усогласување со Стратегијата за реформа на правосудниот сектор во однос на укинување на електронското полагање на стручните испити.

Во Стратегијата за реформа на правосудниот сектор се истакнува дека стручните испити, како што се правосудниот, нотарскиот, извршителскиот, медијаторскиот …, се полагаат по електронски пат, што не дозволува соодветно оценување на квалитетот на лицата што полагаат.

– Општ заклучок на целокупната стручна јавност е дека испитот за влез во правничка професија, особено во областа на правосудниот сектор е недозволиво и сосема нецелисходно да се спроведува без кандидатот вербално да ги искаже своите знаења и да ги покаже своите говорнички вештини. Исто така, „студии на случај" од ниту една правна област не може да се решаваат на компјутер, се наведува во Стратегијата.

Во законските акти со кои се утврдува начинот на полагање и спроведување на овие испити, како што е посочено во Стратегијата, потребно е да бидат предвидени мерливи и објективни критериуми за процена на знањето на кандидатите.

При донесување на измените на Законот за правосудниот испит со кој се предвиде електронското полагање на правосудниот испит, реагираше и стручната јавност, за која, не беше прифатливо правосудниот испит да се полага електронски, бидејќи, како што посочуваат, преку правосудниот испит мора да се испита елоквентноста, начинот на изразување и затоа и мора да има устен дел. /МИА

Два товарни брода се уште горат во Црното море, има загинати и повредени

Тела на над десетина загинати и повредени морнари досега се извлечени од водите на  Керчинскиот теснец од два брода што пловат под знаме на Танзанија.

На бродовите се појавил пожар  откако на едниот од нив се случила експлозија, соопштија од руската федерална агенција за поморска и речна пловидба.

Во соопштението се посочува дека експлозијата се случила на брод што превезувал гас, по што членови на екипажот на пловилото почнале да скокаат во вода, бегајќи пред огнот.

Засега нема информации за причините на експлозијата и како пожарот се проширил на двата брода.

Според агенцијата, на двата брода имало триесетина  членови  на екипажите.

СДСМ: Процесот на деинституционализација дава резултати, веќе нема деца во Домот 11 Октомври

Започнатиот процес на деинституционализација од страна на Министерството за труд и социјална политика се спроведува успешно и дава сериозни резултати.

Во Домот за деца без родители 11 Октомври во Скопје, веќе нема сместено ниту едно дете. Од пред неколку дена тие се сместени во 4 мали групни домови и згрижувачки семејства.

Претходно, пред околу четири месеци целосно беше трансформиран и домот „25 Мај" и сите 25 деца сега живеат во 5 мали групни домови во Скопје и сите се вклучени во редовниот образовен процес.

До крајот на 2018 година од Специјалниот завод „Демир Капија" беа извадени сите деца до 18 години денес тие се сместени во мали групни домови каде што добиваат 24 часовен надзор и им е пружена сета потребна поддршка.

Досега, преку проектот за деинституционализација бројот на деца сместени во институции е намален за 60 отсто.

Заложбите на владата предводена од СДСМ и надлежното министерство се до 2020 година да нема повеќе деца под 18 години кои ќе бидат сместени во институции.

За таа цел процесот на деинституционализација продолжува и во следниот период. /МИА

притисни ентер