Плевнелиев: Македонија има уникатна историска шанса

Постојат моменти кога судбината подава рака и таа треба да се прифати. Македонија е исправена точно пред таква ситуација.

Таа има уникатна историска шанса, истакна поранешниот бугарски претседател Росен Плевнелиев,  пренесува бугарската агенција „БГНЕС“. 

По дискусијата на тема „Бугарската и европската перспектива: Референдумот во Македонија“, во организација на Европскиот совет за надворешна политика (ЕСВП) со поддршка на Фондацијата Конрад Аденауер, Плевнелиев рече дека и ЕУ и НАТО направиле се, тоа е подадена рака од судбината и нема да има друга шанса во следните  20 години.

- Драги пријатели од Македонија, подадете си рака, ги повика тој граѓаните и политичаите на Република Македонија. 

Според него, пред две децении Македонија била десет години пред Бугарија, но поради низа погрешни политички одлуки, таа во моментов е најмалку десет години по Бугарија. 

- Се што е добро и кое и се случи на Бугарија во последниве години е благодарение на нејзиното членство во ЕУ и НАТО. Од 1999 година наваму само странските инвестиции во земјата изнесуваат над 40 милијарди евра, истакна Плевнелиев. 

Тој смета дека постојат три можни сценарија за развојот на Македонија. Првото, смета тој, е да бидат усвоени уставните промени од македонскиот Парламент и Македонија да има јасна перспектива, а во регионот да има траен мир. Второто сценарио, според него, е реалистично и тоа може да ја исправи земјата пред нови избори кои нема да ја променат ситуацијата во Македонија. Третото сценарио  е негативно и Македонија може да западне во тотална изолација, а и можна целосна дестабилизација. 

Според шефот на канцеларијата на Фондацијата „Конрад Аденауер“ во Софија, Торстен Гејслер, референдумот спроведен на 30 септември може да се смета како победа за Русија. Гејслер исто така го опиша и несоодветно однесување на ВМРО-ДПМНЕ со политиката на бојкот и екстремистички пројави. 

Кој се ќе биде амнестиран за 27 април?

Кога законот за амнестија ќе се најде пред пратениците останува неизвесно.

 Иако веќе подготвен тој не е ставен како точка на пленарната седница која е закажана за понеделник. Според информациите тој треба да помине и низ партиските филтри па на почетокот на следната недела ќе се знае кога точно ќе биде обелоденет неговиот текст.

Од собраниската група за помирување велат дека во моментот траат конуслтациите во пратеничките групи и со правни ескперти, а  заклучоците ќе бидат разгледани на следната средба. Она што засега е извесно е дека нема да бидат амнестирани организаторите, извршителите на насилство и носителите на командна одговорност.

 Дел од експертите сметаат дека истражните органи досега имале доволно време за да утврдат кој се како организатор стои позади насилствата од 27 април. Поранешниот министер за внатрешни и актуелен лидер на ДС Павле Трајанов вели дека со Законот за амнестија се врши упад во судската постапка која е во тек, во ситуација кога голем дел од јавноста не се согласува со амнестијата.

Универзитетската професорка Мирјана Најчевска се согласува дека Законот за амнестија е удар врз правниот систем.

Најголемиот предмет кој се однесува на собраниските насилства од 27 април лани е во судска постапка која полека влекува во финиш. На следните неколку рочишта треба да се изведат дополнителните докази на дел од обвинетите по што се очекува судијката Добрила Кацарска да закаже завржни зборови.

Обвинителката Вилма Рускоска по последното рочиште кое се одржа вчера изјави дека не размислува за преквалификација на кривичните дела кои им се ставени на товар на 33та обвинети.

Фото: Асфалтирана улицата меѓу новите згради во Мичурин

Изградбата на улицата „Новопроектирана 8“ во населбата Мичурин, што се протега покрај улицата „Фрањо Клуз“, е во завршна фаза и деновие се асфалтира.

Новата улица е во должина од 200 метри со јавно паркиралиште, за кои Општината издвои над 8 милиони денари. „Новопроектирана 8“ доби и комплетно нова атмосферска, фекална и водоводна мрежа. Улицата и паркиралиштето ќе бидат и целосно осветлени.

Изградбата на оваа улица за граѓаните значи полесен пристап до новите згради и приклучок кон комплетно новата подземна инфраструктура.

притисни ентер