Слеп Француз брутално исфрлен од продавница поради неговото куче- водич(ВИДЕО)

На социјалните мрежи во Франција владее вистински хаос , откако беше објавено видео како слеп човек е избркан од супермаркет поради забрана за неговото куче – водич.

Артур Омоите објави видео од неговото непријатно искуство во супермаркет во близина на Марсеј , каде бил заедно со неговото куче- водич , Лоја. На видеото се гледа како вработен во маркетот му вели дека тој и неговото куче треба да го напуштат објектот од хигиенски причини.Потоа друг вработен го изнесува кучето водич на слепиот човек.

Инцидентот , што предизвика бура од реакции во Франција е снимен од човек кој бил во придружба на Омоите. Тој дури и се труди на вработените да им ги објасни законите според кои лицата со оштетен вид може да влегуваат во сите јавни установи со своите животни , кои им помагаат. Листот хартија , кој се гледа на видеото е всушност правилникот за слепи лица и нивните животни.

Откако човекот одбил да го напушти маркетот и побарал да викнат полиција , еден од вработените почнал да го турка кон излезот, а друг го избркал кучето.

По скандалот во јавноста, супермаркетот му се извинил на човекот со оштетен вид.

Електричен велосипед со вградени филтри за прочистување на воздухот

Канцерогените ПМ 10 честички кои и оваа зима се проблематични за граѓаните и многубројните но неостварени ветувања од властите за решавање на овој горлив проблем, поттикна група од шест студенти од Машинскиот факултет да направат еко-велосипед.

Канцерогените ПМ10 честички кои и оваа зима се проблематични за граѓаните и многубројните но неостварени ветувања од властите за решавање на овој горлив проблем, поттикна група од шест студенти од Машинскиот факултет да направат еко-велосипед.

Ина и Мартин пред камерата на Канал 5 го претставија својот изум. Станува збор за велосипед на батерии кој има вградено проактивни филтри. Тие ги заробуваат штетните честички со самото ротирање на тркалата. Ова треба да биде еден чекор плус во креирањето на нов еколошки систем на градскиот транспорт.

„Целиот систем за прочистување на воздухот ќе биде составен од филтер материјал кој што ќе биде вграден во држачите, тоа се портокаловите делови. Со самата ротација на тркалото ќе се прима воздухот и ќе се задржуваат некои честички, ќе се отпушта воздухот така што на тој начин ќе се прочистува воздухот,“ изјави Ина Крстевска.

Идејата е велосипедите да бидат поставени на неколку станици низ градот. На корисникот ќе му биде достапна картичка со која ќе може да го користи велосипедот. Цената на изнајмувањето ќе зависи од тоа колку километри се извозени и во која зона од градот. На станиците ќе бидат поставени и полначите за велосипедите.

„Зоните ќе гледаме да бидат поставени каде што има најголема подвижност на луѓето, таму цените за наплаќање би биле најниски бидејќи шансите за да се изнајми повторно се големи. Доколку се постави точакот во зона каде што нема раздвиженост цената ќе биде поголема бидејќи можно е во текот на денот или наредниот период точакот и воопшто да не се употреби истакна Мартин Спасовски, студент.

Проектот е во финална фаза, а велосипедите би биле готови за продажба некаде во март догодина. Овие амбициозни студенти се надеваат дека ќе инспирираат и многу други на различни начини да ја поттикнат јавната свест – и кај институциите да преземат конкретни мерки за загадувањето, но и да ги променат секојдневните навики на луѓето да користат повеќе велосипеди а помалку автомобили.

Стартуваше акцијата „нула глад“

Убаво е кога некој ќе помисли на другиот, дали има денеска да јаде, раскажува Нашиде Јашар од како го зема пакетот со храна. 

 Семејството на Нашиде брои осум луѓе, живеат од социјална помош. За нив најважно е да има храна, барем еднаш дневно да јадат возрасните, а децата и два пати. За нив се друго е луксуз во животот.

Нашиде со уште стотина семејства денеска  пред просторите на ЈП „Паркинзи на општина Центар“  земаа пакети донирани од страна на фирмите,  во организација на градоначалникот на Центар Богдановиќ и Здружението „Банка за храна“ во акцијата “Нула Глад“.

Нашиде седна да одмори и од болеста и од маките, изгубила многу добивала малку. „Но никогаш не ја изгубив насмевката“, вели 60 годишната Нашиде.

Оваа акција има интерес да се преземе и во другите градови со апел никој да не остане гладен и во Македонија да има „Нула Глад“. 

„Турнирот на медиуми 2018“, познати полуфиналистите

По третиот ден на „Турнирот во мал фудбал на медиумите 2018“, во организација на Спортското радио 90,3  познати се четирите учесници во полуфиналето.

Во денешните последни натпревари по групи  Канал 5 ја совлада ТВ Шења со 4:1, 1 ТВ беше подобра од Сител со 2:1 и Алфа го победи тимот на МТВ 2 со 2:0.

Познати се екипите кои ќе играат во денешните ½ финални средби . Според распоредот попладбнево по 17 часот ќе играат МРТВ – МТВ 2, а од 17.40 часот Спортско радио 90,3 против екипата на АЛФАТВ.

Денес се играат уште неколку ревијални натпревари меѓу „петлињата“ од неколку фудбалски школи од СКопје , но вечерва по 18 часот ќе играат и ОУ од неколку општини од Скопје.

Натпреварите се играат во малата сала на СЦ „Јане Сандански“, а влезот е слободен.

притисни ентер