Шампион во трошење- жена потрошила 16 милиони фунти во луксузна стоковна куќа- што купувала?

Сопруга на банкар за 10 години потрошила 16 милиони фунти во стоковните куќи на Хародс.

Замира Хаџиева , сопруга на банкар , е на удар на антикорупционерите во Британија и се бори да си ја зачува барем куќата вредна 11.5 милиони фунти. Хаџиева по потекло од Азербејџан , го изгубила судскиот спор во кој барала да биде анонимна во текот на истрагата. Таа е сопруга на банкар во националната банка на Азербејџан и за десет години само во стоковната куќа ,,Херодс” потрошила над 16 милиони фунти. Таа одела дотаму што купила и куќа во близина на стоковната , како и терен за голф во Беркшир. Судот нареди да се утврди потеклото на нејзиниот имот , а доколку не успее , може се да изгуби.

55 годишната жена заедно со сопругот, Јахангир Хаџиев мора да објаснат како купиле куќа во луксузната четврт Најтсбриџ. Сопругот бил на чело на националната банка во Азербејџан и во 2016 е осуден на 15 години затвор за измама и проневера на десетици милиони фунти, што исчезнале од банката. Судот му нареди да врати 39 милиони фунти. Седум години пред тоа, компанија од Кајманските острови платила 11,5 милиони фунти за голема куќа во близина на стоковната куќа ,,Херодс” во Лондон. Дури во судницата било откриено дека куќата е во сопственост на Хаџиева и нејзиниот сопруг. Во 2013 друга компанија под контрола на Хаџиева поторшила над 10 милиони фунти за купување голф терен Мил Рајд , голем имот во близина на престижниот Аскот.

Британија на брачната двојка им опдобрила визи за престој наменети за богати инвеститори. Како изгледало трошењето пари на Хаџиева. Таа во Хародс трошела во просек по 4 000 фунти дневно.

Но , купувала и на други емста. На пример во продавницата Бушерон купила накит и парфеми за 150 000фунти. Следниот ден купила вина за 1 800 фунти.

Потоа купила накит вреден 100 000 фунти во Картие , а потоа докупила и машки производи за 20 000 фунти. За да биде поефикасна во трошењето , имала три картички од Хародс и уште 35 што ги издала поранешната банка на нејзиниот маж.

Во судот било откриено и дека брачната двојка има и авион вреден 42 милиони фунти. Наспроти обвинувањата на британските антикорупционери, Хаџиеви имаат намера правдата да ја бараат во судот во Стразбур.

Тојота потврди дека ќе прави засилена Корола

Првите луѓе на јапонската компанија потврдија дека ќе почнат со производство на силен СУВ.

Корола ГРМН ќе пристигне кон средината на годинава , но без хибриден пшогон , како што се шпекулираше.

,,Анализираме што би било најефикасно решение за европскиот пазар. Но Корола ГРМН е реална. Веќе работиме на тоа развојот да се врши  под надзор на Тојота Газу Рејсинг, оддел кој го смета развојот на Корола ГРМН во своите идни планови.” , изјави заменик директорот за дизајн на Тојота , Тошио Канеи.

Се претпроставува дека моторот ќе го движи силен бензински 1.6 литарски мотор , а со дополнителни анализи ќе се знае на кој начин ќе биде засилуван.

Времена забрана за ординацијата во која е третиран починатиот пациент од сепса

Државниот санитарен и здравствен инспекторат изрече времена забрана за вршење на здравствена дејност на ПЗУ специјалистичка ординација по пластична и реконструктивна хирургија „Др. сци. мед. К. Митаноски" во општина Аеродром.

Забраната е изречена по извршен вонреден инспекциски надзор поврзан со починатиот пациент во ЈЗУ ГОБ 8-ми Септември, кој бил третиран во операционата сала на оваа ординација.

– Во врска со случајот на починатиот пацинет во ЈЗУ ГОБ 8-ми Септември, на ден 22 и 23.02.2019 год. од страна на Државниот санитарен и здравствен инпекторат извршен е вонреден инспекциски надзор во ПЗУ спец.ординација по пластична и реконструктивна хирургија „ Др сци мед. К. Митаноски „ лоцирана во општина Аеродром. Во моментот на увидот, ординацијата е затекната затворена, по телефон е викнат сопствениокот кој е носителот на дејност согласно  решение издадено од Министерството за здравство. Истиот е пензионер и нема вработено друг кадар во ординацијата. При надзорот од страна на докторот даден е податок дека операционата сала каде е повремено му ја издава на користење на д-р Ѕвонко Николовски од ПЗУ Јанита во Скопје. Починатиот пациент е третиран во оваа сала, информираат од ДСЗИ.

Во врска со затекната фактичка состојба од страна на ДСЗИ записнички е изречена времена забрана за вршење на здравствена дејност во наведената ординација со поставување на службена лента, а за кое во наредните денови ќе следат соодветни инспекциски мерки и постапки. 

Трамп и ,,Шерлок Холмс” добија награди за најлоши филмски остварувања

Американскиот претседател Доналд Трамп и комадијата за Шерлок Холмс се добитници на филмските награди за најлоши остварувања, ,,Златна малина”.

Дури четири ,,Златни малини” доби комедијата за Шерлок Холмс во која глумат Вил Фарел и Џон Раили. Филмот ги доби наградите во категорија за најлош филм за минатата година и најлош римејк.

Раили е прогласен за најлош спореден актер во како што рече основачот на наградата, Џон Вилсон , безвезна пародија на класичната британска детективска приказна.

Златната малина , како награда спротивна на Оскарот е востановена 1980 година .

Една од овие награди освои и американскиот претседател Доналд Трамп , како најлош актер за улогите во два документарни филма ,,Смрт на нацијата” на режисерот Динеш Д’Соуза и ,,Фаренхајт 11/9” од Мајкл Мур.

Советничката во Белата куќа Келијан Конвеј е прогласена за најлоша споредна актерка , за улогата во документарецот ,,Фаренхајт 11/9”.

За улогата во комедијата ,,Среќни убиства” , актерката Мелиса Мекарти ја доби ,,Златната малина“ за најлоша главна женска улога.

Филмот  ,,Готи” за покојниот њујоршки мафијашки кум Џон Готи не доби ниту една малина , иако имаше шест номинации.

притисни ентер