Ексклузивно интервју на Мицкоски за Канал 5

Претседателот на ВМРО-ДПМНЕ, Христијан Мицкоски  во ексклузивно интервју за Канал 5 вели  дека нема раскол во најголемата опозициска партија.

Мицкоски говори и за актуелните прашања во однос на референдумот и договорот со Грција.

Со лидерот на најголемата опозициска партија разговараше Мирјана Трпческа. 

Сите душегрижници кои мислат дека во ВМРО-ДПМНЕ  има раскол или недоразбирања од голем размер, се лажат.ВМРО-ДПМНЕ е единствено, вели Мицкоски.

Во видеото погледнете го целото интервју.

Сообраќајот по влажни коловози, можни одрони низ котлините и клисурите

Сообраќајот на државните патишта се одвива по влажни коловози.

Интензитетот на сообраќај на патните правци надвор од градските средини е зголемен. На граничните премини од македонска страна, нема подолги задржувања за влез и излез од државата.

Поради одрони, сообраќајот на регионалниот пат Делчево – Каменица се одвива по една сообраќајна лента. Се преземаат мерки за рсчистување на коловозот.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. 

По првото пријавување во средните училишта се запишани 11.826 ученици

Министерство за образование соопшти дека по првото пријавување во средните училишта се запишале 11.826 ученици од кои 9.061 за настава на македонски јазик, 2.604 на албански, 130 ученици на турски јазик и 31 повторувач.

Вкупно се пријавиле 16.676 ученици од кои 11.636 за настава на македонски јазик, 4.707 за настава на албански, 302 ученика за настава на турски јазик и 31 повторувач.

МИА во целост го објавува соопштението на МОН за бројот на запишаните ученици.

Од доставените прегледи на јавните средни училишта за бројот на пријавени и запишани ученици во првото пријавување, како и бројот на слободни места за второто пријавување (24 и 25 јуни 2019 година) добиени се следните податоци:

Според видот на образованието, во првото пријавување запишани се вкупно:

4 464 ученици во гимназиско образование од кои:

3 415 ученици на македонски наставен јазик,

967 ученици на албански наставен јазик,

82 ученици на турски наставен јазик.

7.000 ученици во стручно образование од кои:

5 312 ученици на македонски наставен јазик,

1 609 ученици на албански наставен јазик,

48 ученици на турски наставен јазик и

31 повторувач.

242 ученици во Спортска академија од кои:

231 ученик на македонски наставен јазик,

11 ученици на албански наставен јазик.

120 ученици во спортска гимназија од кои:

103 ученици на македонски наставен јазик,

17 ученици на албански наставен јазик.

Конкурсот за запишување ученици е завршен за гимназиско образование во:

– СОУ Гимназија „Јосип Броз Тито" – Битола; СУГС „Раде Јовчевски Корчагин" – Град Скопје, СУГС Гимназија „Никола Карев" – Град Скопје и во СУГС „Георги Димитров" – Град Скопје.

Конкурсот за запишување ученици е завршен за здравствена струка во:

– ОСМУ „Д-р Јован Калаузи" – Битола, за образовниот профил медицинска сестра во паралелките на македонски наставен јазик; СОУ „Димитрија Чуповски" – Велес за образовниот профил медицинска сестра во паралелките на македонски наставен јазик; СОУ„Наце Буѓони" – Куманово за образовниот профил медицинска сестра во паралелките на албански наставен јазик; СОСУ „Св. Кирил и Методиј" – Охрид за образовниот профил медицинска сестра во паралелките на македонски наставен јазик; СОУ „Ѓорче Петров" – Прилеп за образовниот профил: медицинска сестра, фармацевтски техничар и гинеколошко – акушерска сестра во паралелките на македонски наставен јазик; СУГС „Д-р Панче Караѓозов" – Град Скопје, медицинска сестра на албански наставен јазик, забен техничар на македонски и

албански наставен јазик, фармацевтски техничар на македонски и албански наставен јазик, медицински лабораториски техничар на македонски наставен јазик и физиотерапевтски техничар на македонски јазик; СУГС „Марија Склодовска Кири" – Град Скопје медицински лабораториски техничар на албански наставен јазик; СОУ „Нико Нестор" – Струга за образовниот профил медицинска сестра во паралелките на албански наставен јазик; СОУ „Димитар Влахов" – Струмица, за образовните профили фармацевтски техничар и физиотерапевтски техничар во паралелките на македонски наставен јазик; СОМУ „Никола Штејн" – Тетово, за образовниот профил болничар-негувател на албански наставен јазик; СОУ „Јане Сандански" – Штип, за образовниот профил медицинска сестра на македонски наставен јазик.

Конкурсот за запишување ученици е завршен за економско – правна и трговска струка во:

– СУГС „Цветан Димов" – Скопје, за образовниот профил продавач – референт за продажни услуги во паралелките на албански наставен јазик;

Конкурсот за запишување ученици е завршен за угостителско – туристичка струка во:

– СОУ „Коле Нехтенин" – Штип, за образовните профили келнер – готвач во паралелките на македонски наставен јазик и во СОУ „Коле Неделковски" – Велес за образовните профили келнер – готвач во паралелките на македонски наставен јазик.

Конкурсот за запишување ученици е завршен за лични услуги во:

– СУГС „Димитар Влахов" – Скопје, за образовниот профил фризер во паралелките на албански наставен јазик и во СОМУ „Никола Штејн" – Тетово, за образовниот профил техничар за козметичка нега и убавина во паралелките на албански наставен јазик.

Конкурсот за запишување ученици е завршен за електротехничка струка во:

– СОУ „Ѓорѓи Наумов" – Битола за образовниот профил електротехничар за компјутерска техника и автоматика во паралелките на македонски наставен јазик; СОУ „Ѓошо Викентиев" – Кочани за образовниот профил електротехничар за компјутерска техника и автоматика во паралелките на македонски наставен јазик; СОУ „Ристе Ристески Ричко" – Прилеп за образовниот профил електротехничар за компјутерска техника и автоматика во паралелките на македонски наставен јазик; СОУ „Нико Нестор" – Струга за образовниот профил електротехничар за компјутерска техника и автоматика во паралелките на македонски наставен јазик; СОУ „Никола Карев" – Струмица за образовниот профил електротехничар за компјутерска техника и автоматика во паралелките на македонски наставен јазик, СОУ „Коле Нехтенин" – Штип, за образовниот профил електротехничар за компјутерска техника и автоматика во паралелките на македонски наставен јазик, во СОУ „Илинден" – Илинден за цела електротехничка струка.

Конкурсот за запишување ученици е завршен за машинска струка во:

– СОУ „Никола Карев" – Струмица за образовниот профил машински техничар за моторни возила во паралелките на македонски наставен јазик.

Конкурсот за запишување ученици е завршен за Хемиско – технолошка струка во:

-СУГС „Марија Склодовска Кири" – Град Скопје техничар за заштита на животната средина и прехранбен техничар на албански наставен јазик.

Слободни места за второто пријавување има за вкупно 23 410 ученици од кои:

· 15 118 слободно место за настава на македонски наставен јазик,

· 7 416 слободни места за настава на албански наставен јазик,

· 788 слободни места за настава на турски наставен јазик,

· 34 слободни места на српски наставен јазик и

· 54 слободни места за повторувачи.

Слободни места по вид на образование за второ пријавување има:

во гимназиско образование 5 983 слободни места од кои:

3 428 за ученици на македонски наставен јазик,

2 189 за ученици на албански наставен јазик,

326 за ученици на турски наставен јазик,

34 за ученици на српски наставен јазик и

6 за повторувачи.

во стручно образование 17 275 слободни места од кои:

11 589 за ученици на македонски наставен јазик,

5 176 за ученици на албански наставен јазик,

462 за ученици на турски наставен јазик и

48 за повторувачи.

Пријавувањето и запишувањето на учениците се врши во еден уписен рок со три пријавувања, две во јуни и едно во јули. Првото пријавување и запишување на учениците се реализираше вчера и завчера, на 17 и 18 јуни, а второто пријавување и запишување ќе се врши на 24 и 25 јуни. Резултатите од запишувањето и слободните места ќе се објават на 26 јуни 2019 година.

Квалификациското тестирање ќе се реализира на 21 јуни 2019 година во СУГС Гимназија „Орце Николов" во Скопје (за гимназиско образование на македонски наставен јазик) , во СУГС „Д-р Панче Караѓозов" – Град Скопје (за стручно образование- здравствена струка за образовниот профил медицинска сестра на македонски наставен јазик), во СОУ „Димитар Влахов" – Струмица (за стручно образование- здравствена струка за образовниот профил медицинска сестра на македонски наставен јазик) и во средните училишта во кои се реализираат наставни планови и наставни програми за уметничко образование. Училиштата во кои ќе се реализира квалификационо тестирање, конечните ранг листи ќе ги објават на 21 јуни 2019 година.

По објавување на ранг листите со резултатите од запишувањето, учениците кои не се запишани во училиштето, задолжително ја подигнуваат целокупната доставена документација во рок од 48 часа, а училиштата имаат обврска да ја вратат целокупната документација на учениците во рок од 48 часа.

Училиштата за второто пријавување, можат да го намалат утврдениот број на минимум поени дадени во Конкурсот најмногу до 10 поени, освен за гимназиско образование, економско – правна и трговска струка и здравствена струка.

Училиштата се должни со интерен оглас за второто пријавување, односно третото пријавување да го истакнат утврдениот минимум поени со кои е можно учениците да конкурираат за запишување во определен план и програма. Објавувањето на минимумот поени треба да се изврши на 21 јуни 2019 година за второто пријавување.

Намалување на поените нема да има во гимназиско образование, економско – правна и трговска струка и здравствена струка.

За целосен опфат на сите ученици кои завршија основно образование во учебната 2018/2019 година со Конкурсот за запишување ученици во јавните средни училишта за учебната 2019/2020 година се обезбедени вкупно 35.690 ученички места од кои 24.581 на македонски наставен јазик, 10.123 на албански наставен јазик, 952 на турски наставен јазик и 34 на српски наставен јазик, соопшти МОН. 

Утре почнува самитот на ЕУ: Гаранција за преговори или студен туш ?

Македонија и дефинитивно летово останува без датум за преговори, битката сега е да се осигура дека би го добила есенва.

По вчерашните заклучоци на Советот на министрите во кои се предлага ЕУ да се наврати на прашањето најдоцна до октомври, конечниот збор ќе го имаат лидерите на земјите членки на самитот утре и заутре.. Во Брисел е Александар Видиновски.

притисни ентер