Претседателот Иванов ги додели стипендиите „Борис Трајковски" за академската 2018/2019

Претседателот Ѓорге Иванов ги додели стипендиите „Борис Трајковски“ за академската 2018/2019.

Традиционално беа доделени 20 стипендии за постдипломски студии на Програмата за бизнис администрација  на Меѓународниот факултет на Универзитетот Шефилд, Сити колеџ во Солун. 

- Студирајќи, тие градат и лични односи со своите грчки колеги со кои комуницираат без посредство на политичките елити и искривените медиумски перцепции. Со ваквите проекти создаваме нова генерација млади кои нема да бидат оптоварени со предрасудите од минатото. Генерации кои ќе стекнуваат меѓусебна доверба преку меѓусебно почитување и прифаќање, рече претседателот Иванов.

Оваа иницијатива преку која Грција инвестира во младите луѓе од Македонија, посочи македонскиот претседател, е позитивен пример за соработка и градење доверба меѓу македонското и грчкото општество, наспроти потпишаната меѓувладина Спогодба која е асиметрична и со која се негира нашето човечко достоинство.

- Ако единствениот начин да се задоволат барањата на официјална Атина е со наметнати мерки кон македонската страна, она што добиваме се односи без доверба и без општествен капитал, истакна македонскиот претседател.

Грчкото и македонското општество, додаде Иванов, треба да научат како заеднички да живеат и покрај нивните најдлабоки разлики што ги разделуваат.

- За да имаме вистински, траен и одржлив договор, потребен ни е дијалог, наместо монолог, аргументирано убедување, наместо присилно наметнување, доверба, наместо сомнеж, рече Иванов.

Министерот за образование и наука Арбер Адеми им честиташе на стипендистите и им посака успешни магистерски студии.

- На сите стипендисти им посакувам со среќа и со успех да ги завршат студиите во предвидениот рок и да стекнат што повеќе знаења, да ги надградат своите работни и лидерски способности и вештини кои ќе им бидат од лична полза, но и од корист на организациите каде се вработени или имаат намера да бидат ангажирани. Секако дека ова е и од полза за нашиот севкупен државен просперитет, рече министерот Адеми.

Директорот на програмата за магистерски студии по бизнис администрација при „Сити Колеџот“ од Солун, Џорџ Ефстатиадис порача дека програмата овозможува балансиран поглед на меѓународните перспективи, како и шанса за комбинирање на теоријата со праксата.

- Ќе се стекнете со поголемо искуство во учењето, со можност да студирате и да се поврзете со своите врсници од 25 други земји, рече Ефстатиадис 

Стипендиите ги обезбедија Министерството за образование и наука на Република Македонија и Универзитетот Шефилд, а покровител на нивното доделување е Претседателот на Република Македонија. Досега над 200 стипендисти од 12 генерации имале можност да студираат на престижниот Сити Колеџ во Солун.

Романија среде политичка криза , а за шест недели ќе раководи со ЕУ

Политичката криза во Романија , која настана поради отпорот за споведување мерки против корупцијата , дополнително се заострува иако за само шест недели оваа земја треба да го преземе претседателството со Европската Унија.

Состојбата се искомлицира бидејќи претседателот Клаус Јоанис делумно ја отфрли реконструкцијата на Валдата , што вчера ја спроведе премиерката Виорика Данчила со смена на шест министри.

Претседателот Јоанис одби да ги прифати предлозите за нови министри за регионален развој и за транспорт . Особено е чувствителен ресорот за регионален развој , бидејќи преку него се распределуваат парите од фондовите на ЕУ.

Данчила реконструкцијата ја објаснува со подготовки на Романија за претседателството со ЕУ на 1 јануари , но сепак сите тие биле критички настроени кон лидерот на социјалдемократите со кои раководи Ливиу Драгнеа .

Тој , иако неговата партија победи на изборите, не може да биде премиер , зашто во 2016 е осуден за изборни измами.

Мухамед Зекири во „Само вистина“

Зекири во „Само вистина“: Груевски правдата може да ја докаже само тука во Македонија и не може да ја докажува бегајќи.

Зекири во „Само вистина“: Груевски правдата може да ја докаже само тука во Македонија и не може да ја докажува бегајќи и оставајќи ги на цедилло останатите обвинети од случаите на СЈО. Како избега, секако имало пропусти и мора точно да се утврди која институција го направила пропустот. Одговорност мора да има, вели потпретседателот на СДСМ и пратеник Мухамед Зекири, кој рече „Груевски е кукавица“

Вучиќ многу добро знаел за планот за бегството на Груевски исто како и неговиот пријател Орбан. Чудно е како и тој и Мицкоски молчат за тајната средба во Белград, рече Зекири.

Мухамед Зекири во „Само вистина“ за 27 април: Можам да простам но во мое лично име, но не и во име на граѓаните.

Терористички напад во Брисел – избоден полицаец со ножеви

Со извици ,,Алах акбар” напаѓач со ножеви избодел полицаец во центарот на Брисел.

Напаѓачот со два кујнски ножа мафтал пред градската управа на Брисел каде избодел полицаец . Двајца полицајци го застрелале и повредиле напаѓачот. Тој е во тешка состојба пренесен во болница.

Нападнатиот полицаец иако се здобил со расекотини по вратот не е во животна опасност и е пренесен во болница. Од обвинителството утврдуваат дали навистина станува збор за терористички напад и кои се мотивите на напаѓачот.

Тој има криминално досие за кражби и насилства . Бил во притвир од 2014 поради обид за убиство и поседување нелегално оружје , од каде е пуштен минатиот месец.

Нападот се случува за време на дводневната посета на францускиот претседател Макрон на Белгија , каде една од фглавните теми е подобрување на безбедноста и борбата против тероризмот.

притисни ентер