ПСЖ: Не е добро што Нејмар и Мбапе се поврзуваат со Реал

Во Париз Сен Жермен се вознемирени што двете најголеми ѕвезди на тимот, Нејмар Да Силва и Килијан Мбапе се поврзуваат со трансфер во Реал Мадрид.

Сопственикот на тимот, Насер Ал-Хелаифи призна дека се плаши од потенцијални трансфери, но нема да толерира можни преговори „зад сцената“ со европските шампиони за двајцата најдобри играчи на ПСЖ.

- Не е поволна ситуација и ние разговаравме за тоа со Реал. Ниту еден клуб не треба да зборува за нашите играчи, тоа дава слика дека работата се одвива „зад сцената“ и тоа не вознемирува, изјави Ал-Хелаифи за шпанска „марка“.

Бизнисменот од Катар вели дека има голема почит кон Реал Мадрид, предводен од претседателот Флорентино Перез и верува дека тоа е взаемно.

- Ние сакаме такво разбирање од сите клубови, не само од Реал. Важно е да има дијалог и несоодветни тактики да не се користат, додаде тој.

Според шпанските медиуми, Реал за трансфери во јануари подготвил дури 370 милиони, а Нејмар и Мбапе се на врвот на листата на желби. 

Кире Лазаров останува во Нант до 2021

Најдобриот македонски ракометар и капитен на нашата репрезентација , Кире Лазаров ќе настапува во тимот на француски Нант до 2021 година.

Лазаров доби продолжение на договорот со Нант за уште две сезони , односно до јуни 2021 година. До крајот на оваа сезона му истекуваше договорот на Кире , така што Нант реши да го задржи уште две сезони својот најдобар стрелец.

„Работата беше лесно завршена бидејќи желбата беше иста на двете страни. Кирил е еден од најдобрите играчи во светот и го покажа тоа и по неговото пристигнување во Нант. Оваа година тој има доминантна улога во резултатите на тимот. Затоа сакаме да ја продолжиме соработката. За клубот претставува големо задоволство што имаме играч од ваков калибар во нашите редови“ – изјави претседателот на Нант, Гаел Пелетие.

Задоволен од продолжувањето на соработката е и Кире Лазаров кој и на 38-годишна возраст.

„Среќен сум што соработката со Нант ќе продолжи и во наредните две годиниу. Дојдов во Нант бидејќи знаев дека тоа е тим што игра со карактер. Не беше лесно кога дојдов, дојдов со големи амбиции, но не зборував француски. За една година ситуацијата се смени многу. Сега во Нант се чувствувам многу добро, ми се допаѓа клубот и ги сакам неговите навивачи. Играњето овде пред полна сала е вистинска привилегија. Јас сум лојален човек и сакам да му возвртам на клубот за довербата што ми ја даде раководството“ – изјави Кире Лазаров за официјалниот сајт на клубот.

Легендарниот фудбалер обвинет за сексуален напад во воз

Легендарниот англиски фудбалер Пол Гаскојн е обвинет за сексуален напад во воз на релација на Јорк до Дурам во Англија.

Според британската полиција , инцидентот се случил на 20 август , кога 51 годишната легенда на англискиот фудбал бил уапсен зашто во воз ,,вознемирувал и несоодветно пипнал жена” додека патувал со возот.

Следниот месец Гаскојн ќе треба да се појави на суд. Тој имаше големи проблеми со алкохолизмот и нарко зависноста , па дури и бил на лекување.

Во текот на кариерата играл за повеќе клубови , меѓу кои за Њукасл , Тотенхем, Лацио, Ренџерси , Евертон , а додека за репрезентацијата на Англија има постигнато 10 гола на 57 натпревари.  

Фото: Инстаграм ѕвезда на НБА натпревар

Убавата и атрактивна Рејчел Буш е редовен гостин на натпреварите од најсилното светско кошаркарско првенство НБА лигата.

Рејчел за која медиумите пишуваат дека е „голема Инстаграм ѕвезда“ се појави на мечот Мајами – Филаделфија и ги собра погледите на публиката.

На НБА паркетите направи вистинска лудница. Седеше непосредно покрај теренот, и поради неа никој не можеше да остане максимално сконцентриран на играта.

Оваа убавица е голем љубител на спортот, покрај кошарка Рејчел може да се види и на НФЛ натпревар.

Инаку, Рејчел на Инстаграм има илјадници следбеници кои редовно уживаат во нејзините провокативни и секси фотки.

притисни ентер