Со посебен софтвер ќе се следи како се трошат парите за рамномерен регионален развој

 Владата со софтверско  решение ќе утврдува колку и како се трошат парите што се наманети за обезбедување регионален рамномерен развој. 

Вицепремиерот за економски прашања Кочо Анѓушев истакна дека со организиран пристап ќе се врши рамномерна распределба на средствата во регионите. Доколку не се преземат мерки за надминување на разликите во нивниот развој,  како што оцени денеска, во државава ќе има три големи градови во кои сите ќе сакаат да живеат, а останатите ќе бидат празни.

- Ако денес сакаме да видиме информација дали одвојуваме  доволно средства како што кажува и законот, односно еден отсто од БДП за рамномерен регионален  развој, не можеме да видиме дека е тоа така бидејќи тие средства се распределени по сите институции и не можеме да видиме дали навистина тие средства се одвојуваат или не. Со овој софтвер ќе ја знаеме бројката на средства и како се распределени, рече Анѓушев.

ИТ алатката ќе се изработи во соработка со швајцарската Влада како дел од проектот „Одржлив и инклузивен рамномерен регионален развој“ што ќе се спроведува до крајот на 2020 година. Формирана е проектна единица која ќе подготви документација и ќе распише постапка за избор на компанија која ќе го изработи софтверот.

- Не смее да се повтори ситуација во која во град Скопје ќе потрошиме 800 милиони евра за да направиме супер модерен град, барок итн, а притоа само 18 проценти од државата да биде покриена со канализациски систем, или пак  да направиме систем како „Злетовица“  во кој сме потрошиле 100 милиони евра, но не сме прилагодиле општините да ја користат таа вода и сега системот не е функционален, таквите грешки не смееме да ги повторуваме, укажа Анѓушев.

Како што нагласи амбасадорот на Швајцарија во Македонија Стефан Томаџан, проектот е продолжение на активностите што со поддршка на швајцарската Влада се спроведуваат во државава од 2012 година.

- Потребно е да се алоцираат буџетски средства согласно  потребите на планските региони, меѓутоа потребно е подеднабвао и поефиаксно баначнсирано  финансирање како на хоризонтално така и на вертикално ниво во тек на подготвување и спроведување на  националните програми за развој. Потребно е исто така подобрување  на механизмите за идентификување и мониторирање на финаниската распределкба и другите мерки за поддршка и за спроведување регионални проекти, рече Томаџан.

Според министерот за локална самоуправа Сухејл Фазлиу, новиот систем треба да обезбеди знајчајни и навремени информации за сите носители на регионалниот развој. - Важно е што ќе се обезбеди вклучување на граѓаните во определување на приоритетите во планските региони согласно нивните потреби, рече Фазлиу.

Тој очекува ефекти од проектот уште следната година, за кога најави дека Министерството за локална самоуправа ќе почне подготовка на стратегија за регионален рамнорен развој, како десетгодишен плански документ.

Романија среде политичка криза , а за шест недели ќе раководи со ЕУ

Политичката криза во Романија , која настана поради отпорот за споведување мерки против корупцијата , дополнително се заострува иако за само шест недели оваа земја треба да го преземе претседателството со Европската Унија.

Состојбата се искомлицира бидејќи претседателот Клаус Јоанис делумно ја отфрли реконструкцијата на Валдата , што вчера ја спроведе премиерката Виорика Данчила со смена на шест министри.

Претседателот Јоанис одби да ги прифати предлозите за нови министри за регионален развој и за транспорт . Особено е чувствителен ресорот за регионален развој , бидејќи преку него се распределуваат парите од фондовите на ЕУ.

Данчила реконструкцијата ја објаснува со подготовки на Романија за претседателството со ЕУ на 1 јануари , но сепак сите тие биле критички настроени кон лидерот на социјалдемократите со кои раководи Ливиу Драгнеа .

Тој , иако неговата партија победи на изборите, не може да биде премиер , зашто во 2016 е осуден за изборни измами.

Мухамед Зекири во „Само вистина“

Зекири во „Само вистина“: Груевски правдата може да ја докаже само тука во Македонија и не може да ја докажува бегајќи.

Зекири во „Само вистина“: Груевски правдата може да ја докаже само тука во Македонија и не може да ја докажува бегајќи и оставајќи ги на цедилло останатите обвинети од случаите на СЈО. Како избега, секако имало пропусти и мора точно да се утврди која институција го направила пропустот. Одговорност мора да има, вели потпретседателот на СДСМ и пратеник Мухамед Зекири, кој рече „Груевски е кукавица“

Вучиќ многу добро знаел за планот за бегството на Груевски исто како и неговиот пријател Орбан. Чудно е како и тој и Мицкоски молчат за тајната средба во Белград, рече Зекири.

Мухамед Зекири во „Само вистина“ за 27 април: Можам да простам но во мое лично име, но не и во име на граѓаните.

Терористички напад во Брисел – избоден полицаец со ножеви

Со извици ,,Алах акбар” напаѓач со ножеви избодел полицаец во центарот на Брисел.

Напаѓачот со два кујнски ножа мафтал пред градската управа на Брисел каде избодел полицаец . Двајца полицајци го застрелале и повредиле напаѓачот. Тој е во тешка состојба пренесен во болница.

Нападнатиот полицаец иако се здобил со расекотини по вратот не е во животна опасност и е пренесен во болница. Од обвинителството утврдуваат дали навистина станува збор за терористички напад и кои се мотивите на напаѓачот.

Тој има криминално досие за кражби и насилства . Бил во притвир од 2014 поради обид за убиство и поседување нелегално оружје , од каде е пуштен минатиот месец.

Нападот се случува за време на дводневната посета на францускиот претседател Макрон на Белгија , каде една од фглавните теми е подобрување на безбедноста и борбата против тероризмот.

притисни ентер