Меѓународната заедница веќе предупреди за ефектите од таквиот евентуален договор врз регионот. На сличен став и дел од безбедносните експерти.
Размена на територии ќе предизвика опасен преседан кој би можел како домино ефект да се прелее врз соседните земји, смета Владимир Пивоваров.
Косовскиот весник Зери вчера објави дека група од седум српски експерти подготвила извештај, според кој Косово би ја добила општината Прешево во замена за четирите општини на северот од Косово, кои би требало да припаднат на Србија.
Србија и Косово може да постигнат договор за размена на територии, со можност Прешево, да стане дел од Косово, без Бујановац и Медвеѓа, а општините на северот (Лепосавиќ, Звечан, Зубин Поток и Северна Митровица) да се припојат кон Србија. Овие општини се де факто интегрирани во економскиот систем на Република Србија и ова сценарио може да се изврши без одредени општествени и етнички турбуленции.
Неодамна, за опасноста од евентуално прекројување на границите на Балканот, предупреди и поранешниот шеф на шведската дипломатија, Карл Билт. Во колумна за Вашингтон пост, потенцијалните нови поделби во регионот ги нарекува рецепт за гео-политичка нестабилност. Можната поделба на Косово, според него би ја отворила дебатата за Босна, но и за како што го нарекува, потешкото и поопасно прашање на Македонија.