Борисов: Два пати мисли пред да кажеш

Минатото и напластеното разногласие во толкувањето на  историските настани, повторно докажуваат дека како Дамоклов меч се надвиснуваат над односите што ги градат земјите сега.

Последен мегдан за тоа беа прославите на годишнината од илинденското востание.

Ниту лани-потпишаниот македонско-бугарски договор за добрососедство и пријателство изгледа не е доволен гарант за одредени кругови во двете земји, дека намерата и на едните и на другите била- еднаш засекогаш да се престане да се робува на минатото. 

Па така одново почнаа да се бараат точки и запирки во изјавите на политичарите и воскреснаа сомневањата дали и колку искрени биле заложбите за градење на добрососедски и со ништо неоптоварени односи и сето тоа поради тврдењата дали е само македонско и дали е само бугарско Илинденското востание а тешко се прифаќа дека е на сите.

Во последниот случај по неколкудневно затишје денеска се огласија премиерите на двете земји. Борисов отиде дотаму индиректно да порача дека кога ќе дојде време за ЕУ, ќе се потсетат на овој момент. Моментот кога во последното телевизиско интервју премиерот Заев илинденското го карактеризира за македонско востание. 

Заев денеска возврати со статус на фејзбук-критичарите во Македонија и во бугарија да немаат дилема пријателството и соработката се искрени.

„Драги пријатели и браќа од Бугарија, верувајте, искрено градиме пријателство кое неколку децении наназад беше изгубено. Тоа беше загуба за двете земји. Ние повторно го најдовме нашиот пријател и брат. Да не дозволиме да се враќаме назад. Тоа ни е обврска пред нашите деца. Некогаш можеби не сме доволно внимателни ние политичарите, некогаш правиме и грешки, но ве уверувам дека тоа е само невнимание, затоа што искрено сакаме соработка и пријателство како што тоа го потпишавме во договорот за добрососедство и пријателство“ - напиша претпладнево премиерот Заев на фејсбук, истовремено потсетувајќи на заложбата на Борисов и на министерката Захариева да се добие датум за старт на преговорите за членство со Европската унија и покана од НАТО.

„Никогаш нема да го заборавиме тоа пријателство кое е докажано на дело“, напиша Заев со повик да не се правиме слепи и глуви.  

,,Илинденското востание е херојски и трагичен венец на бугарското револуционерно движење за слобода и национално обединување.со решителност и жртва, без надеж за помош однадвор, Бугарите од Македонија и Тракија станаа во очајна, но достојна битка за правда. Бунтовниците го испишаа големото кредо на нашата национална револуција – “слобода или смрт”. Илинден нè потсетува дека слободата и историската вистина мора да се ценат и ревносно да се бранат“ - напиша пак бугарскиот претседател Румен Радев на својот ФБ профил , само неколку часа по заедничката македонско-бугарска прослава на годишнината од Илинденско востание во Благоевград.

Инаку , како што обврзува договорот за добрососедство, веќе е формирана македонско бугарска мешовита комисија од историчари кои би требало да ги разрешат дилемите од минатото. Ќе бидат ли поуспешни од политичарите?

Опозицијата на протест пред зградата на општина Тетово во пресрет на владината седница

Протест поради енормно загадениот воздух на улицата пред зградата на општина Тетово, вечерва одржаа граѓани по повикот на општинскито комитет на ВМРО-ДПМНЕ од Тетово. 

Поради одржување на владина седница нив не им беше дозволено протестот да го одржа пред зградата на општината, туку стотита метри подалеку.

-Денешниот протест е поради енормната загаденост која ја имаме деновиве. Општината и централната власт кажуваат дека загаденоста е поради реконструкција на улицата. Но, тоа не е вистина. Загаденост во Тетово имаме во интервал од 21 часот до 23 часот. Ниту општината ниту централната власт не преземаат мерки и ние вршиме притисок тоа да го направат. Во Тетово поради последици на загаден воздух има 261 лце починато што е најмногу во Македонија. а мерки нема никакви. Владата да преземе мерки, ако не ќе го повикаме целото население во градот Тетово на протест, изјави Ангел Карапетров, претседател на ОК ВМРО-ДПМНЕ од Тетово.

-Изненадени сме посебно зошто градоначалничката Теута Арифи како жена не обрна внимание на хигиената и општо за здравјето на луѓето што е многу важно. Овде нема политика, овде има живот за сите граѓани подеднакво дали е воздух или друго мора да се обрне внимание, изјави Светлана Карапетрова.

Пред зградата на општина Тетово изјави дадоа и претставници на партиите Алијанса за Албанците и Беса кои исто така побараа Владата на седницата да даде одговор на нерешените проблеми на граѓаните. /МИА

Рекордни снежни врнежи во САД (ВИДЕО)

На северот на САД , во Бафало, во државата Њујорк ,  напаѓа снег со рекордна дебелина за овој период од годината .

Денеска е урнат 77 години стар рекорд , откако во Бафало напаѓаа 25 сантиметри снежна покривка , што е за 15 сантиметри од рекордно наврнатите во ноември 1942 .

Според локалните медиуми снегот предизвикува проблеми во сообраќајот , бидејќи поради ниските температури се создава тенок слој мраз под снегот , што предизвикува подлизнување .

Снегот не предизвика други особени проблеми во регионот , иако е невообачаен во толкаво количество во овој период од годината.  

Заев: Нека се отворат сите прашања за животна средина, нема поважно за нас од здравјето

Премиерот Зоран Заев во пресрет на владината седница во Тетово истакна дека за оваа политичка гарнитура најважно е здравјето на граѓаните и затоа внимателно се одлучува кога во прашање се области од заштита на животната средина. 

Тој рече дека Владата ќе стопира дел од одлуките да се градат мали хидроцентрали ако тоа влијае врз екологијата и здравјето на луѓето.

-Во сите национални паркови и заштитени подрчаја не одобруваме локации дури и таму каде што има отпочнато иницијативи да се заштитат одредени региони. Нека се отворат сите прашања нема поважно за нас од здравјето. Ако треба да во следните три годни да изгради 20-30 мали хидроцентрали, нека се изградат 10-15, но нека биде еколошко заштитено. Малите хидроцентрали ако се со еколошко обезбедливи ресуриси тие се производитли и на еколошка струја затоа што водата е непресушен извор и не се оштетува, па продолжува да ја врти турбината која произведува енергија што значи намалување на јагленот. Трансперетни сме и реагираме секогаш со институциите, рече Заев.

За протестите на членови на партиите Алијанса за Албанците, Беса и ВМРО-ДПМНЕ пред општинската зграда во Тетово поради непреземените мерки Заев истакна дека имаат право на изразување, а посочи примери на сработено.

-Слободата на протест е врвно демократски право. Сме трансопаретни, но да направиме и рекапитулар. 11 години беа на власт не направија ништо. Најдовме само 10 милиони евра. Наместо споменици правиме гасиификација. Знаеме дека затворањето на Југохром ќе не чини гласови, но нема да работи се додека не стави филтри, сите дишиме ист воздух. Определивме 15 милиони евра за да успееме во борбата против аерозагадувањето. Прашањата ќе ги решаваме заедно и централната и локалната власт, истакна Заев.

Мерката за замена на печки на дрва со инвертери премиерот рече, дека верува реализација кон крајот на ноември. Потенцираше дека треба да се запазат законските постапки и дека целта е голема 10 илјади граѓани кои можат да учествуваат, а воедно дека се обезбедни средства од ЕСМ. 

притисни ентер