Еден социјален работник ќе се посвети на едно семејство

Еден квалификуван работник посветен на едно социјално семејство за да го изведе од прагот на сиромаштијата.

Концептот на интегрирано „водење предмет“ има за цел работникот да ја следи целата состојба на загрозените лица, да ги упати на вистинското место и да врши редовен увид во работата на институциите кои нудат социјални услуги.

„Тоа значи воведување на принцип на еден социјален работник, односно еден стручен работник којшто ќе го следи семејството што е во ризик, сите индивидуи што се во ризик и ќе овозможи навремено превенирање на сите дополнителни ризици во кои би се нашло семејството и навремено реагирање и интервенирање.“ – изјави Санела Шкријељ, шеф на кабинет во МТСП .

Во центрите за социјална заштита има околу 700 работници, но повеќе од половина не се соодветно квалификувани. Во наредните 2 месеци ќе се спроведуваат дополнителни обуки и ќе се вработува нов кадар за да се зголеми интензитетот и квалитетот на услугите, а да се избегнат административните лавиринти.

„Вие добро знаете, нашата држава се соочува со значителен број на социјални ризици, живееме во држава во која што за жал скоро една третина од дечињата живеат во сиромаштија, насилството е се уште доста застапено и сметаме дека овој концепт може да даде значителен исчекор напред во справувањето со овие социјални феномени.“ – изјави Александар Лазовски од УНИЦЕФ.

Новиот Закон за социјална заштита ќе стапи на сила од 1 јануари 2019 година.

Собранието ги донесе реформските закони од сферата на безбедноста

Со консензус и поддршка од власта и опозицијата Собранието ги донесе клучните реформските закони во безбедносната сфера. 

На местото на  досегашната Управа за безбедност и контраразузнавање ја ќе се формира  агенција за национална безбедност која нема да биде во составот на МВР.

И покрај согласноста дека  тајната полиција во изминатиот период била јадрото ан сите проблеми и политички кризи,  клучната дилема за дел од пратениците е  дали станува збор сепак за суштинска реформа, забелешки за трансферот на дел од вработените на УБК како и учеството на пратеници во селекцијата на вработените

Министерот Спасовски потенцираше дека е особено горд што за прв пат се дава шанса за сериозен надзор над службите и дека со законот се дава силна можност да се штитат правата и слободите на граѓаните.

Со двотретинско мнозинство беше донесен и законот за координација на безбедносно разузнавачката агенција ,,со пакетот закони од безбедносната сфера се очекува да се стави крај на концентрацијата на моќ на тајната полиција и да се создаде ефикасна и департизирана служба во интерес на државата и граѓаните.

Општина Охрид: Забелешките на УНЕСКО ја одразуваат фактичката состојба

Забелешките што се наведени во извештајот на УНЕСКО ја покажуваат фактичката состојба на охридскиот регион, оценуваат од општина Охрид.

Во соопштението велат дека состојбата е детектирана уште во мониторинг мисијата на УНЕСКО во април 2017 година.

-Општина Охрид, во текот на изминатите две години ги зеде во предвид сите препораки во однос на ова прашање и во рамки на своите законски надлежности сериозно се посвети на исполнување на барањата на УНЕСКО.

Во тек е постапката за донесување на планот за управување со природното и културното наследство на охридскиот регион, а во понеделник на 27-ми мај ќе се одржи информативна сесија за нацрт-извештајот за стратегиската оцена на влијанието на животната средина од спроведувањето на овој план. Исто така во владина процедура е и носење на нов закон за управување со светското природно и културно наследство во охридскиот регион –велат од општината.

Вселенскиот патријарх Вартоломеј во официјална посета на Грција

Вселенскиот патријарх Вартоломеј денеска ја почна дводневната посета на Грција, при што попладнево во Атина ќе се сретне со поглаварот на Грчката православна црква, архиепископот Јеронимос.

– Посетата означува вртење нова страница помеѓу Вартоломеј и атинскиот архиепископ, Јеронимос, бидејќи нивните односи во изминатиот период беа заладени, пишува „Катимерини”.

Патријархот Вартоломеј утре ќе замине за областа Дилеси, каде што во присуство на архиепископот Јеронимос и претседателот на Грција, Прокопис Павлопулос грчкиот претседател, свечено ќе биде отворен Центарот за геронтологија, грижа и поддршка „Свети Порфири” на атинската архиепископија, што е изграден на црковен имот на површина од 27 хектари со капацитет од 64 места.

притисни ентер