Вечер на камерна музика на „Охридско лето" со ансамблот „Игњац Фукс"

Музичката програма на „Охридско лето“ за вечерва нуди концерт на камерна музика со ансамблот што го носи името на најпознатиот хрватскиот композитор, Игњац Фукс алијас Ватрослав Лисински.

На концертот што ќе се одржи во катедралната црква „Света Софија“ ќе настапат виолинстката Фросина Богданоска, виолинистот Хрвоје Филипс, контрабасистот Илин Диме Димовски, обоистот Дарио Голчиќ и кларинетистот Дарио Голчиќ.

Македонската виолинистка Фросина Богданоска потекнува од уметничко семејство под чија закрила ги прави првите чекори и успеси со свирењето на виолина. Во 2001 година се запишува на Националниот музички конзерваториум во Тулуз, а дипломски и постдипломски студии завршува на Факултетот за музичка уметност во Скопје. Своето образование потоа го продолжува на Кралската академија во Лондон, а две години подоцна запишува специјализација на Универзитетот за музика и изведувачки уметности во Виена. Покрај солистичката дејност, Богданоска често настапува и во камерни состави.

Хрвоје Филипс своето музичко образование го стекнува во Хрватска. Од 1997 година работи како виолист во оркестарот на Хрватскиот народен театар во Загреб, а три години подоцна станува член на познатиот состав „Загребачки солисти“. Од 2004 година е член на симфонискиот оркестар на ХРТ , а една година подоцна станува и еден од членовите на Загребскиот квартет.

Илин – Диме Димовски е еден од најактивните македонски контрабасисти. Вработен е во филхармонискиот оркестар на градот Загреб, постојан соработник е на симфонискиот оркестар на ХРТ, а редовно се појавува и со хрватскиот барокен ансамбл, „Загребски солисти“, ансамблот за современа музика „Кантус“, како и со Хрватскиот камерен оркестар. Во исто време соработува и со интернационалниот оркестар „Без граници“ и италијанскиот симфониски оркестар „Сан Марко“. Добитник е на повеќе национални и интернационални награди за контрабас и камерна музика.

Дарио Голчиќ е хрватски обоист, добитник на повеќе награди во и вон Хрватска. Своето образование го започнува во родната земја, а подоцна се усовршува кај обоистите Хајнц Холигер и Кристијан Шмит. Во текот на своите студии имал чест да настапува со значајни ансамбли од Германија, Хрватска, Швајцарија. Моментално работи како обоист на симфонискиот оркестар на националната ХРТ и како доцент по обоа на Музичката академија во Загреб.

Александар Тасиќ е еден од најеминентните кларинетисти на својата генерација. Како солист досега има настапувано со повеќе значајни оркестри на концертните подиуми во Србија и странство, под диригентската палка на еминентни имиња. Чест гостин е и на најпрестижните фестивали во Европа и Азија. Тасиќ е претставник на познатиот произведувач на опрема за дувачки инструменти „Вандорен“ од Франција и американската компанија за изработка на кларинети „Ројал“.

Јана Павловска – Молц своето образование го започнува во Македонија. По дипломирањето, се запишува на магистерски студии на Колеџот по изведувачки уметности во Чикаго, кои успешно ги завршува, а во моментов е на докторски студии на Универзитетот во Илиноис. Постојано е активна на музичките сцени во светот, каде често соработува со значајни музичари. Добитник е на голем број награди на национални и интернационални натпревари.

На програмата на вечерашниот концерт се дела на Артиуниан, Прокофјев, Хајдн. /МИА

Паника на германскиот патнички авион – принудно слетал на Крит

Германски авион со 250 патници принудно слетал на Крит поради дојава за поставена бомба.

Патничкиот авион со 250 патници и членови на екишажот морал принудно да слета на грчкиот опстров Крит поради доајава на бомба. Авионот летал од Египет кон Германија и поголемиот број патници се враќал од годишен одмор. Aвионот летал од Хургада кон Диселдорф , кога по два часа лет морал принудно да слета на аеродромот во Ханиа. 

Според грчката државна телевизија , авионот безбедно слетал на воениот аеродром Соуда , а сите патници и членови на екипажот се безбедно евакуирани .

Во тек е истрагата на авионот за да се утврди дали дојавата за поставена бомба е вистинска.

Бебе се родило во воен хеликоптер

На пат од хрватскиот остров Раб  кон болницата во Ријека , Луција Брњац родила здраво девојче во хеликоптер.

Во хеликоптерот на военото воздухопловство на итниот медицински лет од островот Раб се роди женско бебе. Мајката се породила пред слетувањето на хеликоптерот во болницата во Ријека , а ја породиле членовите на екипажот. капетанот на хеликоптерот Крешимир Абрамовиќ изјави дека тоа е едно од искуствата што сигурно ќе ги памети цел живот , а најважно е мајката и бебето да се добро.

Мајката Луција им се зсаблагодари на членовите на екипажот . Таа веќе има две деца , а третото вели дека на неверојатен начин го родила ,,во воздух”. И докторите во болницата во Ријека го пофалија екипажот на добро извршеното породување.

Морето поцрвене од крвта на китовите , почна сезоната на лов на Фарските острови (ФОТО)

Десетина китови се уловени во близина на Фарските острови , од мештаните , кои ги ловат за да ја преживеат долгата и студена зима.

Судент на Универзитетот Кембриџ , 22 годишниот Алистер Уорд ги направил фотографиите кои го обиколија светот. Дел од нив се вознемирувачки .

Фарските острови се наоѓаат на северниот дел од Атлантскиот океан меѓу Норвешка и Исланд. Составени се од 18 мали островчиња.

Традиционално , во овој период од годината почнува ловот на китови , чие месо е извор на протеини со десетици илјади години за жителите на овие острови. Фотографиите се вознемирувачки , но за жителите значат уште една зима со храна.

Денеска се убиени десетина китови , а нивното месо и внатрешните органи се преработуваат на самото место , на морскиот брег. Китовите најпрвин се довлекуваат до заливот , а потоа се извлекуваат во плиткото .

Дури и децата учествуваат во влечење на јажињата, раскажува Алистер. Државата го одобрува овој начин на лов , бидејќи жителите во сезоната уловуваат околу 800 китови , додека околу островите се проценува дека живеат околу 100 000 примероци од овие морски животни.

притисни ентер