Здравје

Затворете по употреба:Поради оваа грешка бактериите царуваат во бањата!

Знаете дека од најиритантни работи кога ќе почнете да живеете со партнерот е спуштање, односно подигање на даската на веце шолјата.

Научниците сефа откриваат зошто луѓето се во право кога се жалат на крената даска и зошто задолжително треба да ја спуштите, заедно со капакот.

-Кога нема да го спуштите капакот на веце шолјата пред да ја пуштите водата, бактериите се распрскуваат низ целата бања“, вели професор по микробиологија доктор Чарлс Герба.

Со повлекувањето на вода на отворената веце шолја бактериите се распрскуваат во воздухот и преминуваат на другите површини во бањата, вклучувајќи ја и четката за заби, пешкирите, па дури и на ѕидовите.

Научниците предупредуваат дека со тоа значително се зголемува ризикот од вируси и новивируси и пренесување на другите луѓе.

-Секој пат кога ќе ја пуштите водата, таа под притисок прска наоколу. Кога тоа ќе се случи сите микроби може да се пренесат на околните површини“, вели научникот Џејсон Тетро.

Се верува дека просечна личност дневно повлекува вода барем шест пати, а се верува дека честичките на вода од веце шолјата заедно со бактериите може да контаминираат површина од околу 25 сантиметри околу, а во воздухот се задржуваат и до еден час.

Значи, едноставно спречете го тоа така што ќе го спуштите капакот на веце шолјата пред да повлечете вода.

Фудбал

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Македонија

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

НБА

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА