Прво влезе на теренот држејќи се за раце со претседателот на Франција, Емануел Макрон, а потоа следеа серија на неверојатни прегратки кои денеска сите на интернет ги коментираат.
Нема сомнеж дека Колинда Грабар – Китаровиќ синоќа беше во центарот на вниманието на доделувањето на медалите за фудбалерите во Русија.
Прво излезе на теренот држејќи се помалку необично за раце со Макрон, што делуваше многу неформално отколку што требаше да биде за ваква свеченост, а потоа следуваа плејадата прегратки, солзи, бакнежи.
Ни ненадејниот силен дожд кој следуваше не ја спречи, таа стоеше во дресот покрај Путин и Макрон кои беа во одела и ги прегрна сите фудбалери, судии и членови на стручните штабови на двете репрезентации.
На крајот го дофати и пехарот кој исто така го бакна.
Нејзиното однесување не помина незабележано на Твитер и таа стана главна тема, а нејзиното однесување е проценето како симпатично.
„Секоја чест за хрватската претседателка. Никогаш не сум видел некој така да се прегрнува со секој што учествуваше во финалето. Светските лидери треба да научат како оваа дама се смее од срце дури и кога губи“ , „Победник е хрватската претседателка. Дрес, дожд, плаче, уништена фризура, а неа не и гајле“ ....беа некои од коментарите.
Некои беа и воодушевени.
„Поради прегратките на убавата хрватска претседателка би трчал до Москва“, „Хрватската претседателка е најпрекрасната личност бидејќи на секого му дава цврста прегратка“.