Заев за АНА-МПА: По самитот на НАТО сите политички партии ќе ги одредат деталите околу референдумот

По самитот на НАТО сите политички партии ќе имаат средба во Собранието за да ги утврдиме елементите на референдумот, деталите за прашањето што ќе се постави на референдумот и за карактеристиката на референдумот, вели премиерот Зоран Заев.

 Во изјава за грчката новинска агенција АНА-МПА како што пренесува дописничката на МИА од Атина, Заев изрази надеж дека референдумот ќе биде успешен и ги повтори и можните датуми - 23 септември, 30 септември или 7 октомври, за, како што кажа, „да постои доволно време за да се финализираат сите процеси до крајот на годината“.

- Референдумот, знаеме дека ќе се заврши успешно и се надеваме дека сите ќе бидат мотивирани да придонесат во референдумскиот процес да има најголем успех, бидејќи е многу важен за нашата земја, вели македонскиот премиер, во изјавата за грчката новинска агенција АНА-МПА.

Во однос на уставните промени Заев објасни дека се потребни од 90 до 110 дена, „па така, 15 јануари е пред нас“. Потоа, доколку процесот успешно заврши од македонска страна, „останува грчкиот Парламент да гласа за ратификација на договорот и да го ратификува протоколот за наше членство во НАТО“.

Грчката новинска агенција АНА-МПА, ги пренесува изјавите на македонскиот премиер по вчерашниот самит во Лондон дека „лидерите на ЕУ и Западен Балкан едногласно потенцираа дека Договорот од Преспа и храброста што ја покажаа премиерите Заев и Ципрас се модел за решавање на најсложените билатерални прашања и дека ќе продолжат да даваат голема поддршка во имплементацијата на Договорот“.

- Со премиерот Алексис Ципрас одбравме решенија кои ќе бидат задоволителни за граѓаните и нашите општества, а не за нас самите и за нашите политички партии, изјави Заев и истакна дека Договорот меѓу ПЈРМ и Грција во реалноста е најдобар придонес за однесување и создавање нови пријателски односи меѓу државите и политичарите, објави грчката новинска агенција./МИА.

СДСМ: Обезбедуваме повеќе пари за граѓаните, раст на платите, социјална праведност

Со предлог Буџетот за 2019 година изготвен од Владата предводена од СДСМ, обезбедуваме повеќе пари за граѓаните, економски раст, повисоки плати и подобра живејачка за сите граѓани.

Платите ќе растат во сите сектори.

Во образованието, здравството, судството, полицијата, детските градинки и јавната администрација, предвидено е зголемување на платите од пет отсто, додека докторите специјалисти ќе добиваат плати зголемени за 10 отсто.

Во 2019 година се очекува забрзување на растот на Бруто домашниот производ на 3.2 отсто, кадешто позитивен придонес врз растот е предвидено да имаат домашната побарувачка, извозот и капиталните инвестиции.

Невработеноста ќе опаѓа преку пакетот активни мерки за вработување – вреден 1.1 милијарда денари, што е историски највисок износ, со што се очекува стапката на невработеност да се намали на околу 20 отсто.

Со посветена и домаќинска работа, владата предводена од СДСМ продолжува да обезбедува повеќе пари и подобар живот за граѓаните.

Остануваме посветени на спроведување на мерките што обезбедуваат повисоки плати, економски раст, мотивирани работници, професионални институции, нови инвестиции и работни места и повисок животен стандард. /МИА

Пронајдена аргентинската подморница која исчезна пред една година

Остатоците од аргентинската подморница Сан Хуан која исчезна на 15 ноември 2017 година со 44 членови на екипажот лоцирани се синоќа на дно на Атлантикот по долгото исчекување на семејсвата на морнарите.

Аргентинското Министерство за одрбана соопшти дека со пребарување со помош на мини подморница, АРА Сан Хуан е лоциран на длабочина од 800 метри.

Аргентинските власти пред службеното објаснување имале средба со семејствата на жртвите во хотелот Мар дел Плата каде се сместени со месеци.

Од крајот на 2017 година бродови и авиони и далечински управувани подморници од 13 држави залудно се обидуваа да ја лоцираат подморницата.

„Вечерње новости“ тврди: Со 15 милиони долари “валкани пари“ Приштина го купува членството во Интерпол

Приштинските власти обезбедиле 15 милиони долари „валкани пари“ од шверц на дрога и мигранти за купување гласови за влез на Косово на претстојното ГС на Интерпол, објави српскиот весник Вечерње новости.

Весникот нагласува дека „до тој фрапантен податок дошле српските разузнавачки служби чии оперативни информации покажуваат дека во оваа перфидна акција вклучени се западни држави, предводени од САД, но и генералниот секретар на Интерпол, Јирген Шток“.

Како што се наведува, „приштинската администрација на претставниците на држави чија поддршка ја очекуваат им купиле луксузни автомобили и скапоцени часовници“.

Новисти пишуваат дека главен спонзор на кампањата е Вашингтон. Собранието на Интерпол почнува в недела во Дубаи. Се очекува Холандија и Франција да дадат поддршка за Приштина.

притисни ентер