За претседателот на Србија Александар Вучиќ ваквата лажна вест за убиство на новинарот е обид за дестабилизација на земјата. Вучиќ на вонредна прес конференција рече дека е познато сценариото и неговите нарачатели со цел да се предизвикаат тензии на релации Белград – Приштина.
Инаку Стефан Цветковиќ во последните десет години бил на удар на повеќе лица , меѓу кои и бизнисмени и политичари поради неговите истражувачки стории. Во 2008 бил претепан од поранешен полицаец , кој бил суспендиран , за по неколку мнесеци да биде натепан од десетина лица во алкохолизирана состојба додека бил на снимање на Гулашијада во селото Дупљаја.
Министерот за внатрешни работи Небојша Стефановиќ на заедничаката прес конференција со претседателот Александар Вучиќ рече дека се направени ДНК анализи за да се утврди на кој начин исчезнал новинарот , кој дава изјава во полицијата.
Подрачјето околу Бела Црква , родното место на новинарот Цветковиќ било пребарувано во последните два дена од 300 полицајци , како и со хеликоптери и со кучиња , за да биде најден неговиот автомобил во кој има бројни отпечатоци.
Била најдена и копија од пластика на неговиот скапоцен часовник ,а од неговиот телефон било утврдено дека за неколку часа Цветковиќ разговарал 16 пати со личност од Косово.