Отворен 53. Македонски театарски фестивал „Војдан Чернодрински“

Синоќа во големата сала од Домот на културата „Марко Цепенков“ во Прилеп беше отворен 53. Македонски театарски фестивал „Војдан Чернодрински“.

Со доделувањето на наградите за животно дело на актерот Петре Арсовски и на композиторот Љупчо Константинов и со првата претстава во официјалната конкуренција за награди, претставата на МНТ „Ничија Земја“ од Денис Тановиќ во режија на Александар Морфов, синоќа беше отворен 53. Македонски театарски фестивал „Војдан Чернодрински“.

Фестивалот, официјално за отворен го прогласи заменик минисерот за култура, Владимир Лазовски.

- Го прогласувам за отворен 53 Македонски театарски фестивал. Уживајте во театарските денови, рече Лазовски.

Годинашните лауреати, добитници на наградата за животно дело, актерот Петре Арсовски и композиторот Љупчо Константинов нагласија дека со овие признанија се докажува дека не се заборавени, а нивната професија не престанува со пензионерањето.

- Наградата секогаш е поттик. Јас се уште ќе работам предано на она што досега го правев - сценска музија и музика за театар, филм, за серија. Секогаш е најбитно да ја почувствувам темата за која ја создавам музиката. Сето другото доаѓа од душа и со љубов, рече Константинов.

Арсовски икстакна дека оваа награда е доказ дека колегите не го заборавиле и дека се уште е жив како на сцената, така и во нивните сеќавања и кај публиката.

На младите им порачуа да се занимаваат што повеќе со театар во која било форма, аматерски или професионален.

Според уметничкиот директор и селектор на Фестивалот Катарина Коцевска, Фестивалот ќе и понуди на публиката осумдневна сценска и театарска магија.

- Театарската магија ќе живее наредните осум фестивалски дена. Ќе уживаме заедно со публикаат која веќе најавува дека ќе имаме полни сали. Тоа ме одушевува, изјави Коцевска.

За прилепскиот градоначалник Илија Јованоски Прилеп живее за театарот и за Фестивалот и тој е дел од него. Најави дека прилепските актери ќе добијат нова театарска куќа.

-Како градоначалник на градот којшто 53 години е домаќин на најреномираната театарска манифестација во државата, чувствувам одговорност кон фестивалот, кон актерите на матичната театарска куќа „Војдан Чернодрински“, но и кон сите годинешни и идни генерации уметници, кои со својата посветеност го плетат уметничкото театарско платно на Македонија. Затоа сакам да најавам и од оваа уметничка сцена, Прилеп и Министерството за култура остваруваат интензивна соработка, со цел градот да добие нов и репрезентативен театар, кој ќе ги исполнува сите современи стандарди за работа и современа техничка логистика на актерите, сценаристите, режисерите, на сите уметници кои се дел, од, без поговор, единствената професија, која твори со најнепосреден фитбек, рече Јованоски.

Тој им оддаде почит на двајца прилепчани, доајени на македонскиот театар - Илија Милчин и Кирил Ристоски. Годинава се навршуваат 100 години од раѓањето на Милчин и 70 години од раѓањето на Кирил Ристоски.

Како прва од 12-те претстави во конкуренцијата за награди, публиката ја виде претставата на МНТ „Ничија земја“ од Денис Тановиќ во режија на Александар Морфов.

На полноќ беше прикажана и првата претстава во придружната фестивалска програма. На сцената од прилепскиот народен театар „Војдан Чернодрински“ беше прикажана испитната претстава на студентите по актерска игра од трета година во класата на професорот Мими Таневска Србиновска, претставата „Ревизор“ од Гогољ.

Во очи отворањето на Фестивалот, во фоајето од Домот на културата беше отворена изложбата „Моќта на театарот“ со оригинални експонати од музејот на МНТ за неговата историја од 1945 до денес.

- На изложбата се претставени оригинални експонати, фотографии, од сцени, костими, плакати за се што се подготвувало во МНТ од 1945 година до денес. Ова сето е големо богатство за театарот и за неговата историја, рече кустосот во музејот на МНТ, Ивана Јарчевска.

Денеска на репертоарот на фестивалот е богата програма. Напладне во Домот на културата „Марко Цепенков“ ќе се одржи трибина со наслов „Театарската критика денес“. Модаератор ќе биде професор д-р Ана Стојаноска.

Вечер на програмата на Фестивалот се две претстави во конкуренцијата за награди. Од 19.30 часот на сцената во Домот на културата „Марко Цепенков“, Битолскиот народен театар ќе ја изведе претставата „Доктор Фауст“ од Кристофер Марлоу во режија на Андраш Урбан, а од 22 часот на матичната сцена, прилепскиот театар „Војдан Чернодрински“ ќе ја изведе „Клетници“ од Виктор Иго во режија на Мартин Кочовски./МИА

Трамп сака да формира војска за во вселената

Американскиот претеседател Доналд Трамп почна да го исполнува својот план за команда за вселената .

Тој на Пентагон му наредил да подготват нацрт закон вселенски воени сили , како шести ентитет на амариканските вооружени сили.

,,Мораме да бидеме подготвени.” , изјавил Трамп и ја потпишал четвртата вселенска директива во својот мандат , со која се опишува организираноста на овој нов воен ентитет.

,,За мојата влада , формирањето на вселенски сили е прашање од национална безбедност.”

Задачата на овие формации ќе биде да ги заштитат американските сателити во вселената од секаков физички напад , судар со друг предмет или проектил или каков било обид за пиратерство , како и развој на офанзивни капацитети.

Во прво време , вселеснките сили ќе бидат во состав на воената авијација со сопствен генералштаб.

Сепак , процесот е долг и ќе треба ваквата реорганизација на воените сили да ја одобри и Конгресот.

Европскиот Парламент објави кога ќе престане поместувањето на часовниците

Одборот за индустрија , истражувања и енергетика на Европскиот Парламент денеска го усвои законодавното мислење за предлог директивата за укинување на полугодишното поместување на часовниците.

Укинувањето ќе стапи на сила од 2020 година , иако Европската Комисија предложи последното поместување да се случи годинава , на 31 март. Сепак Одборот го усвои амандманот на пратеникот Давор Шкрлец од Зелените , кој предложи поместувањето на стрелките на часовниците да запре на 31 марти 2020.

 ,,Поради низа потенцијални проблеми , со ваквото укинување треба да се почека. Директивата би требало да се применува од 1 април 2020 , така што одредбите би стапиле на сила во сите земји членки на 31 март 2020. " 

Во последната анкета дури 84% од жителите на земјите членки на Европската Унија се против поместувањето за еден час понапред или поназад на часовниците  два пати годишно .

Извлечени четворица скијачи од лавината во Швајцарија – затрупани најмалку десетмина (ВИДЕО)

Попладнево во 14.15 часот на скијачката патека во најпознатиот швајцарски ски центар Кран Монтана падна лавина , под којас е затрупани повеќе од 10 скијачи.

До сега спасувачите успеле да извлечат четворица скијачи , кои имале само полесни повреди. Продолжува потрагата по останатите , зашто според швајцарските медиуми , под лавината има уште најмалку десет скијачи.

На местото на несреќата има и два хеликоптери. За сега нема инфорации за загинати, ниту се знае националноста на спасените скијачи.

притисни ентер