СЈО останува на речиси истото обвинение за „Монструм“

Нови докази најавува Специјалното јавно обвинителство за време на судскиот процес „Монструм“. Обвинителката на СЈО Фатиме Фетаи не сакаше да каже дали обвинението ќе претрпи промени и дали ќе има преквалификација на делата. 

Не сакаше да ги коментира.

„Во зависност од она што ќе произнесе од тие нови докази ќе има и соодветни измени од фактичка природа, а евентуално и од персонална, се со цел да биде задоволена правдата за сите коишто се засегнати во и од овој кривично правен настан“ – изјави обвинителката на СЈО, Фатиме Фетаи.

Пет часа траеше распитот во судот на трето и четвртообвинетиот, Агим Исмаиловиќ и Хаќи Азири. И двајцата не чувствуваат вина. Агим, братот на второобвинетиот кој е во бегство Африм Исмаиловиќ,  рече дека откако бил пуштен на слобода, зборел со брат му Африм, на Вибер. Откри дека тој е во Приштина на Косово. Но, наводно не знаел на која адреса е сместен. На идентични прашања во судот, Исмаиловиќ, даваше различни одговори, од кога последен пат му бил исклучен телефонот, до прашањето за критичниот де.. Не можеше да ја врати меморијата каде бил на 12 април во 2012 година. Одговори, од 18.00 до 20.00 часот дека најверојатно бил дома, во интернет кафето или во џамија. Со идентична реторика во судската сала и обвинетиот Хаќи Азири. Последно разговарал со првообвинетиот Алил Демири пред десетина дена, тврдеше дека не се сретнале. Во пред и по масакрот кај Смилковски, разговарал и со функционери од ДУИ, како Невзат Бејта преку телефон, најчесто за неговата работа, сточарството, со лидерот на партијата Ахмети, само во четири очи, за партиски случувања.

Пред убиството, Азири, со Нијази Синани, биле во Штип, за неговиот пријател да земе дозвола за оружје. По ова реагираше таткото на починатото момче Александар, Горан Наќески

„Фејзи Азири сокри три броја, пет броја се водеа во претходната постапка, три ги сокри“, реагираше таткото на убеното момче Александар, Горан Наќески.

И адвокатот на оштетените и бранителите на обвинетине, оптимисти што предметот е во рацете на СЈО. Ивановска изјави дека сега е поинаква од претходната, Рауфи увери дека Алил Демири и Африм Исмаиловиќ ќе се вратат од бегство во текот на постапката.

„Со контрадикторните прашања се произлегуваат доста многу заклучоци согласно коишто излегува дека сегашната одбрана е дадена на поинаков начин од онаа претходната. Сметам дека сега судењето ќе оди побрзо, затоа што веќе се определени датуми за судење и сметам дека би требало до крајот на годината да има пресуд“, изјави полномошникот на оштетените во случајот „Монструм“ – изјави Дафина Ивановска, полномошник на оштетените.

Специјалното јавно обвинителство можам да кажам на овој главен претрес практично изведе и обвинителска истрага, ако можам да кажам, беа на распит двајца од обвинетите, како што стасавме во текот на денешниот ден, и тоа темелито и во детали беа прашувани, што на нас како одбрана, апсолутно ни одговара, бидејќи ние за да се расветли овој случај“, изјави адвокатот на одбраната, Насер Рауфи.

Како обвинителите на СЈО Фатиме Фетаи и Гаврил Бубевски ги читаа двете обвиненија од Обвинителството за организиран криминал, во судницата се слушаа липтења на родителите на момчињата.

Процесот за петкратното убиство кај Смилковското езеро, во Кривичниот суд продолжува за една недела.

Продолжува ли обидот за манипулација со ЗНМ?

Денес се огласи и екс претседателка на ССНМ, Тамара Чаусидис, која намерно или сучајно ја доведува во забуна медиумската јавност

Имено , познатиот медиумски работник, г-ѓа Чаусидис, на чуден начин погрешно го толкува членот 34 од Статутот на ЗНМ и вели дека се броеле само оние кои ГЛАСАЛЕ.
Вчера , за Плусинфо, Насер Селмани ПОТВРДИ дека биле ПРИСУТНИ 175 а гласале 169. Дали на Насер Селмани му е познат терминот „не гласале“ или „бојкот“?
Што не им е јасно на Чаусидис и на Селмани, па уште ги обвинува своите колеги за „барање на влакно во јајцето“, не заборавајќи да ги нарече и бедни?
Членот 34 од Статут на ЗНМ е крајно јасен и прецизен и во ставот 2 вели :„ Претседателот на ЗНМ се избира со мнозинство гласови од присутните на изборното собрание.“

Значи - самиот Насер Селмани и неговото раководство, го ставиле или задржале членот 34 од нивниот Статут, во кој доминира зборот ПРИСУТНИ, волшебниот збор кој вчерашното Изборно собрание го делегитимираше!
За потпестување , зборот ПРИСУТЕН означува и се однесува на некого кој „присуствува негде, на некој настан.“

Нејасно е дали и Чаусидис е дел од некоја „игра“ или ненамерно не прави разлика помеѓу ПРИСУТНИ и ОНИЕ КОИ ГЛАСАЛЕ, па таа самата си толкува што се „смета“ а што не. 

За нејзина жал, Статут на ЗНМ е доследен,и од него произлегува дека - 86те гласа за Младен Чадиковски го прават НЕЛЕГИТИМЕН Претседател !
На потег се новинарите но и  државните институции.

Маж и две жени загинаа при превртувањето на македонскиот автобус близу Лесковец

 Маж и две жени загинаа во сообраќајната несреќа близу Лесковац во која се преврте автобус со македонски регистерски таблички, јавија српски медиуми. Во тек е идентификација на жртвите.

Четири патници се со повреди опасни по живот, и префрлени се во Клиничкиот центар во Ниш додека останатите се задржани во болницата во Лесковац.

Возачот и совозачот не се повредени, но не смеат да даваат изјави за медиуми. Тројца од патниците со тешки повреди се на интензивна нега во одделот Хирургија болницата во Лесковац додека еден е на Ортопедија. Останатите патници, – 23, се со полесни повреди, а вкупно се повредени 32 лица.

Забрана за камиони на патот Крива Паланка – Деве Баир

Поради интензивни врнежни од снег, на патниот правец Крива Паланка – граничен премин Деве Баир, воведена е забрана за движење на тешки товарни возила, соопшти Автомотосојузот на Македонија (АМСМ).

Управата за хидрометеоролошки работи (УХМР) за денеска најави претежно облачно време со повремени врнежи кои поради спуштање на студен воздух од север речиси насекаде ќе преминуваат во снег, освен на југоистокот. Врнежи повеќе ќе има во претпладневните часови во централните и источните делови од земјава, а попладне постепено ќе се преместуваат кон исток и ќе престануваат.

Претходно ЈП „Македонија пат" апелираше до возачите да ја прилагодат брзината кон условите на патиштата поради интензивните врнежи од снег кој надоаѓа од север.Потребно е особено внимателно управување на возилата на планинските премини.

притисни ентер