Димитров: Очекуваме датум за преговори со ЕУ

Евроинтеграцијата е најдобриот инструмент што го има ЕУ за да им помогне на оние кои сакаат да се променат и да направат реформи.

Евроинтеграцијата е најдобриот инструмент што го има ЕУ за да им помогне на оние кои сакаат да се променат и да направат реформи, истакна македонскиот министер за надворешни работи Никола Димитров на конференцијата за перспективите на Западен Балкан за вклучување во ЕУ, што се одржа денеска во Софија.

Димитров рече дека по позитивниот извештај од ЕК и препораката за преговори, Македонија со право очекува да добие датум за нивно започнување.

- Мислам дека европерспективата не треба остане само зборови, туку да се преточи во конкретни чекори. Ќе биде вистинска трагедија ако на Македонија не ѝ се дозволи да ги започне преговорите за пристапување кон ЕУ. Во последните години научивме многу лекции. Се променивме, имаме силна општествена свест. Единствениот начин на кој можеме да напредуваме е да се соочиме со реалноста, да ги поправиме грешките, рече Димитров.

Тој процес, според Димитров, не е лесен, но е неопходен.

– Но, чудата се можни, ние создаваме чуда во денешно време. Го гледаме европскиот воз и сакаме да го фатиме, рече шефот на македонската дипломатија.

Европа е во опасност – предупредуваат безбедносните служби

Можни напади на ултрадесничари , каков што беше оној во Нов Зеланд , претставува се поголема закана за Европа, предвидуваат безбедносните служби.

Европските безбедносни служби по минатонеделниот напад во џамии во Крајстчрч го засилија надзорот над ултрадесничарите. Во Франција, Британија, Германија и Италија веќе со години безбедносните служби предупредуваат на силната поларизација во општеството и можноста екстремисти да го нападнат муслиманското малцинство во овие земји.

,,Европа е во голема опасност. Екстремистите се засилуваат насекаде , а ние ги пренаменуваме средствата за да можеме да ја следиме барем ултрадесницата и екстремистите. Наше е да предвидиме и да ги блокираме тие групи , за да не можат во одреден момент да предизвикаат судир меѓу заедниците.” , вели Патрик Калвар , директор на француската разузнувачка служба.

,,Во последните четири до пет години во западните земји утврдивме зголемен број на злосторства од омраза и терористичко насилство од карајно десничарски групи. Тоа се должи на засилената поларизација не само на страната на џихадистите , туку и на крајаната десница.”, вели Питер Њумен , директор на Меѓународниот центар за студии за радикализација од Лондон.

Туск : Се е можно до новиот рок за Брегзит, 12 април

Претседателот на Европскиот совет , Доналд Туск изјави денеска дека се е можно до новиот рок за Брегзит , 12 април , доколку британските пратеници следната недела не го одобрат договорот за излез на Британија од ЕУ.

,,До 12 април се е можно: договор, подолго одлагање доколку Британија одлучи да ја преиспита својата стратегија или поништување на членот 50, што би значело откажување од Брегзитот” , изјави Туск на прес конференција во Брисел по завршувањето на состанокот на лидерите на ЕУ.

 ,,Секако повторно ќе се сретнеме пред овој датум , се разбира во присуство на премиерката Меј. “ , изјави германската канцеларка Ангела Меркел со најава за нов самит.

Првите луѓе на Унијата вчера и дадоа на Британија одложување на Брегзитот на 12 април , наместо рокот од 29 март , договорен за излез од ЕУ.

Илјадници се евакуираат во Австралија пред ударот на два силни циклони

Илјадници Австралијанци се евакуираат пред ударот на два силни циклони , што би можеле да бидат разорни.

Во текот на викендот северот на Австралија ќе биде погоден од силниот циклон Тревор , додека циклонот Вероника ќе го погодин западниот дел на земјата. Се очекуваат силни ветришта , дожд и големи бранови.

Жителите кои живеат во овие подрачја се предупредени дека надоаѓа големо невреме со поплави , така што илјадници се евакуираат.

Ова е втор пат во историјата метеоролозите да најават два циклона во Австралија во ист ден.

Тревор во сабота наутро ќе го погоди северот на државата , каде се очекува за еден ден да наврне дожд колку што врне за цела година. Циклонот Вероника ќе го погоди северозападниот брег меѓу сабота попладне и недела наутро.

притисни ентер