Копилот излетал низ ветробранското стакло на 9 700 метри височина

За влакно била избегната катастрофа , кога копилотот излета низ предното стакло на патнички авион.

Пилотот на авиокомпанијата Сечуан Ерлајнс по драмата во авионот , едвај принудно слета . Во текот на летот од непознати причини пукнало ветробранското стакло , низ кое под силен воздушен притисок бил исфрлен копилотот. Половина од неговото тело висело надвор од авионот.

Во пилотската кабина дошло до нагло намалување на притисокот , ако и на температурата која изнесувала минус 40 степени. Пилотот Лиу Чианџиан успеал да го приземји патничкиот Ербас А 319 , иако инцидентот се случил на 9 700 метри височина.

Тој со рачно маневрирање , иако во шок , го приземјил авионот на аеродромот Ченгду. Пилот изјавил дека на релацијата Чонгкин – Ласа летал над стотина пати , а копилотот останал жив само поради заштитиниот појас.

Продолжува ли обидот за манипулација со ЗНМ?

Денес се огласи и екс претседателка на ССНМ, Тамара Чаусидис, која намерно или сучајно ја доведува во забуна медиумската јавност

Имено , познатиот медиумски работник, г-ѓа Чаусидис, на чуден начин погрешно го толкува членот 34 од Статутот на ЗНМ и вели дека се броеле само оние кои ГЛАСАЛЕ.
Вчера , за Плусинфо, Насер Селмани ПОТВРДИ дека биле ПРИСУТНИ 175 а гласале 169. Дали на Насер Селмани му е познат терминот „не гласале“ или „бојкот“?
Што не им е јасно на Чаусидис и на Селмани, па уште ги обвинува своите колеги за „барање на влакно во јајцето“, не заборавајќи да ги нарече и бедни?
Членот 34 од Статут на ЗНМ е крајно јасен и прецизен и во ставот 2 вели :„ Претседателот на ЗНМ се избира со мнозинство гласови од присутните на изборното собрание.“

Значи - самиот Насер Селмани и неговото раководство, го ставиле или задржале членот 34 од нивниот Статут, во кој доминира зборот ПРИСУТНИ, волшебниот збор кој вчерашното Изборно собрание го делегитимираше!
За потпестување , зборот ПРИСУТЕН означува и се однесува на некого кој „присуствува негде, на некој настан.“

Нејасно е дали и Чаусидис е дел од некоја „игра“ или ненамерно не прави разлика помеѓу ПРИСУТНИ и ОНИЕ КОИ ГЛАСАЛЕ, па таа самата си толкува што се „смета“ а што не. 

За нејзина жал, Статут на ЗНМ е доследен,и од него произлегува дека - 86те гласа за Младен Чадиковски го прават НЕЛЕГИТИМЕН Претседател !
На потег се новинарите но и  државните институции.

Маж и две жени загинаа при превртувањето на македонскиот автобус близу Лесковец

 Маж и две жени загинаа во сообраќајната несреќа близу Лесковац во која се преврте автобус со македонски регистерски таблички, јавија српски медиуми. Во тек е идентификација на жртвите.

Четири патници се со повреди опасни по живот, и префрлени се во Клиничкиот центар во Ниш додека останатите се задржани во болницата во Лесковац.

Возачот и совозачот не се повредени, но не смеат да даваат изјави за медиуми. Тројца од патниците со тешки повреди се на интензивна нега во одделот Хирургија болницата во Лесковац додека еден е на Ортопедија. Останатите патници, – 23, се со полесни повреди, а вкупно се повредени 32 лица.

Забрана за камиони на патот Крива Паланка – Деве Баир

Поради интензивни врнежни од снег, на патниот правец Крива Паланка – граничен премин Деве Баир, воведена е забрана за движење на тешки товарни возила, соопшти Автомотосојузот на Македонија (АМСМ).

Управата за хидрометеоролошки работи (УХМР) за денеска најави претежно облачно време со повремени врнежи кои поради спуштање на студен воздух од север речиси насекаде ќе преминуваат во снег, освен на југоистокот. Врнежи повеќе ќе има во претпладневните часови во централните и источните делови од земјава, а попладне постепено ќе се преместуваат кон исток и ќе престануваат.

Претходно ЈП „Македонија пат" апелираше до возачите да ја прилагодат брзината кон условите на патиштата поради интензивните врнежи од снег кој надоаѓа од север.Потребно е особено внимателно управување на возилата на планинските премини.

притисни ентер