Македонија

Радев го одбележа „Денот на бугарската армија“ во Ново Село

Во Ново Село, Струмичко, беше одбележан „Денот на храброста и Денот на Бугарската армија“

Со високи воени почести, интонирање на химните на Македонија и Бугарија, положување венци и свежо цвеќе пред споменикот на загинатите војници закопани на бугарските гробишта во Ново Село, Струмичко, беше одбележан „Денот на храброста и Денот на Бугарската армија“. На чествувањето присуствуваШЕ бугарскиот претседател, Румен Радев, европратеникот Андреј Ковачев, претставници на Националната гарда на Бугарија, воени аташеа, поглаварот на МПЦ-ОА Архиепископот Охридски и Македонски. Претседателот на Бугарија Радев положи венец пред споменикот во гробиштата и порача дека најсилниот сигнал е зближувањето меѓу двете земји.

– Добрите традиции на современа Европа налагаат државите кои дури и војувале една против друга заедно да ги почитуваат своите мртви, притоа испраќајќи порака за помирување и единство. Радосно е тоа што овој цивилизациски дух зазема се повеќе место и на Балканот. Пред многу десетлетија бевме сведоци како споменици, гробови на бугарски офицери и војници надвор од Бугарија беа урнувани у срамнувани со земјата. Денес времињата се други. Активностите за зближување и взаемните активности меѓу нашите држави се повеќе се зголемуваат од двете страни на границата и тоа е најсилниот сигнал дека одиме по правилна насока, Румен Радев, претседател на Бугарија

Поглаварот на МП г.г Стефан во сослужение на владиците Наум и Климент одржа Света упокоена литургија за загинатите војници закопани на овие гробишта, кои се обновени пред 12 години и во нив се закопани посмртни останки на 71 војници кои се бореле на страната на бугарската армија во различни војни.

Дојдовме од различни страни, но за ист повод за да се помолиме за душите на овде погребаните и за да искажеме почит пред нивните жртви. А кога е во прашање мирот и слободата секогаш вистинскиот мир и вистинската слобода најпрвин ги разбирам преку мирот и слободата донесени и дарувани преку Христа Спасителот. Само мирот одозгора и слободата родена од вистината, која единствено вистински ослободува треба да се стремеж за секој слободољубив човек и секој народ, рече во обраќањето поглаварот на МПЦ-ОА, г.г. Стефан.

Радев во Ново село беше пречекан од претседателот Иванов, кој сепак одлучи да не присуствува на одбележувањето. Тоа наиде на реакција на бугарските гости. Европратеникот Андреј Ковачев рече дека не ја крие тагата што Иванов не дошол на заедничкото чевствување на историјата.

-Многу е тажно што тој не собра сили да дојде денес тука. Истата тага е и за претставниците на Бугарската православна црква, кои не се тука заедно со нас. Нема како да го скриеме тоа, рече Андреј Ковачев, европратеник

Официјалната средба меѓу Иванов и Радев се одржа во Дојран. На средбата било разговарано за продлабочување на одличните билатерални односи преку јакнење на политичкиот дијалог и за интегративните процеси Македонија..

Свет

СБУ тврди дека уништила руска радарска станица НЕБО-У кај Брјанск

Украинската Служба за безбедност (СБУ) погодила руска радарска станица со долг дострел во регионот Брјанск, од која се следела ситуацијата на небото до 700 километри во територијата на Украина, јавија украинските медиуми, цитирајќи извор од СБУ.

-Русите сега имаат еден модернизиран комплекс Небо-У помалку, што му помогна на непријателот да открие украинско оружје и ги поддржа бомбардерите кои ја напаѓаат пограничната област на Украина со наведувани проектили, рече изворот, цитиран од украинската агенција Униан.

Тој додаде дека радарот е вреден 100 милиони долари и дека го погодиле седум дронови.

Агенцијата наведува дека ова е втор комплекс Небо-У уништен од СБУ, и дека е прв уништен во рускиот Белгородски регион. /МИА

Македонија

Трипуновски: Системите за наводнување се руинирани и неисчистени

Водата и годинава ќе биде проблем за оризопроизводителите.

Дополнителниот заменик министер за земјоделство, шумарство и водостопанство денес е во работна посета на општина Чешиново-Облешево каде што оствари средби со земјоделците од овој регион исто така го посети и системот за наводнување на земјоделските површини.

Изминатиов период откако Љупчо Николовски најави дека ќе има вода за сите во кочанскиот регион добив многу пораки од земјоделците кои ме известија дека во реалноста ситуацијата и не е така розова. Состојба со системите за наводнување е катастрофалната, каналите се руинирани, стари, неисчистени и нефункционални. Повторно и оваа година водата ќе биде проблем за оризопроизводителите, а со тоа се доведува под знак прашалник и новата производна сезона. - изјави Трипуновски.

Дена неподготвени влегуваме со сезоната за наводнување говори и фактот дека за чистење на доводните канали за наводнување е потрошено само 30 работни часови со една машина. Со ова ќе имаме лош старт на наводнителна сезона со што ќе се пролонгираат роковите за засејување на оризовата култура и наводнувањето преку цела наводнителна сезона ќе се одвива со потешкотии.

Потребно е многу работа во секторот земјоделство министре Николовски, особено во делот на водостопанството, вие овие 7 години ги преспавте и ништо не сработивте. Единствено добро е тоа што наскоро вие ќе си заминете, а на ваше место ќе дојдат луѓе кои посветено и искрено ќе работат за доброто на македонските земјоделци, тие ќе имаат вистински партнер во новата Влада предводена од ВМРО-ДПМНЕ! - заврши Трипуновски.

Цветан Трипуновски

Регион

Мајката на осомничениот за убиството на Данка го искористи правото да не сведочи

Светлана Драгијевиќ, мајката на Дејан Драгијевиќ, кој е осомничен за убиството на двегодишната Данка Илиќ го искористи законското право да не сведочи во обвинителството.

Како што пишуваат српските медиуми, таа го има тоа право како најблиска роднина на осомничените и е привилегиран сведок. Таа го искористи правото да не сведочи – изјави адвокатот Небојша Живановиќ.

Тројца членови на семејството Драгијевиќ беа уапсени за убиство на двегодишно девојче, но помладиот син почина во притвор од срцев удар неполни 48 часа по апсењето. Срѓан Јанковиќ од Лука и Дејан Драгијевиќ од Злот се осомничени за тешкото убиство на двегодишната Данка Илиќ од Бор, по чие тело 12 дена континуирано се трага..