Ботас го постави темпото на вториот ден од тестовите во Барселона

На патеката „Каталуња“ во Шпанија, тимовите и пилотите го започнаа вториот ден од предсезонските тестови во Формула 1. Со најдобро време заврши пилотот на Мерцедес, Валтери Ботас, пред Стофел Вандорн со Мекларен.
„Сребрената стрeла“ го подобри постигнувањето на новиот портокалов Мекларен за 0.055 секунди и забележа најмногу кругови од сите - вкупно 43. Себастијан Фетел направи 30 обиколки со Ферари и заврши трет на табелата, а четврти остана Карлос Сајнц со Рено.

Дебитантите Сергеј Сироткин и Шарл Леклер исто направија над 30 кругови за Вилијамс и Заубер, додека Кевин Магнусен со Хас и Макс Верстапен со Ред Бул го поминаа поголемиот дел од времето во своите пит-стопи. Верстатан дури и не успеа да запише време поради технички проблем.

Нико Хулкенберг и Роберт Кубица ќе седнат во автомобилите на местото на нивните колеги во попладневните часови за Рено и за Вилијамс. Валтери Ботас нема да му го препушти болидот на Луис Хамилтон, бидејќи тимот сметаше дека е подобро да се продолжи она со кое е започнато во првата сесија.

Предсезонски тестови во Ф1, патека „Каталуња“, ден 2:

1. Валтери Ботас (Мерцедес) 1: 20.270 минути, 43 круга
2. Стофел Вандорн (Мекларен) 1: 20.325 минути, 28 круга
3. Себастијан Фетел (Ферари) 1: 21.341 минути, 30 круга
4. Карлос Сајнц Џуниор (Рено) 1: 22.424 минути, 17 круга
5. Сергеј Сироткин (Вилијамс) 1: 22.844 минути, 37 круга
6. Естебан Окон (Форс Индија) 1: 22.907 минути, 20 круга
7. Пјер Гасли (Торо Росо) 1: 24.488 минути, 31 круга
8. Шарл Леклер (Заубер) 1: 24.495 минути, 38 круга
9. Кевин Магнусен (Хас) 1: 42.276 минути, 6 круга
10. Макс Верстатин (Ред Бул) без време, 3 круга. /MИА

СП 2018: Уругвај ја совлада Саудиска Арабија и обезбеди пласман во осминафинале

Уругвај со минимални 1:0 ја совлада Саудиска Арабија во второто коло од групата А на Светското првенство во Русија.

Уругвајците ја забележаа втората победа на Мундијалот и обезбедија место во осминафиналето.

Стрелец на победничкиот гол беше Луис Суарез во 24-та минута, кој го искористи невниманието на одбрана на Саудиска Арабија.

Во останатиот дел од натпреварот Уругвајците успеаа да го обранат минималното водство доволно за победа.

Место во нокаут фазата од оваа група обезбеди и Русија, која исто така по двете кола освои максимални шест бода. /МИА

СП 2018: Роналдо и донесе победа на Португалија против Мароко

Португалија со минимални 1:0 го совлада Марoко во групата Б на Светското првенство во Русија.

Стрелец на победничкиот гол во четвртата минута беше Кристијано Роналдо.

Во текот на целиот натпревар Мароко ја имаше иницијативата, особено во вториот дел кога се обиде сериозно да го загрози португалскиот гол.

Меѓутоа, Португалија успеа да се обрани и неколку пати се обиде да го зголеми водството преку контранапади.

Мароко со два порази ги загуби шансите за пласман во следната фаза, а Португалија со четири освоени бода е на чекор од осминафиналето. /МИА

Вардар против Пјуник, Хонвед противник на Работнички, Шкупи против славниот Глазгов Р. во 1. коло од Лигата на Европа

 Вардар за противник во 1. квалификациско коло во Лигата на Европа ќе го има тимот на Пјуник од Ерменија.

Ова е резултат на ждрепката која денеска се одржа во седиштето на УЕФА во Нион.

Првиот натпревар треба да се игра на 12 јули во Ереван, а на реваншот седум дена подоцна, Вардар да биде домаќин. 

До сега Вардар нема играно официјален европски натпревар против тим кој доаѓа од Ерменија, додека Пјуник два пати ги има одмерено силите со македонски претставник, односно со Победа и со Тетекс, каде што два пати беше успешен. 

Унгарскиот Хонвед прв ривал на Работнички во ЛЕ

 Екипата на Хонвед е противник на Работнички во првото квалификациско коло од Лигата на Европа на УЕФА. Ова го одреди денешниот ждреб во Нион.

Првиот меч ќе се одигра на 12.јули во Будимпешта, додека реваншот треба да се одигра седум дена подоцна во Скопје.

Минатата сезона Хонвед го заврши на четвртото место во првенството на Унгарија. 

Шкупи го доби славниот Глазгов Ренџерс за ривал во квалификациите од ЛЕ

Трофејниот шкотски клуб Глазгов Ренџерс ќе му биде противник на Шкупи во првото квалификациско коло од фудбалската Лига Европа.

Првиот натпревар на 12 јули ќе се игра во Шкотска, а во реваншот домаќин ќе биде Шкупи.

Претходно на жрепката во седиштето на УЕФА во Нион, ривалите за првата рудна ги добија и другите два македонски претставника.

Вардар ќе игра со Пјуник од Ерменија, додека Работнички ќе се сретне со Хонвед од Унгарија. 

притисни ентер