ЛОИ Рио 2016

ЗОИ 2018: Милер стана најстариот олимписки шампион во алпско скијање

Швеѓанецот Андре Милер (35) ја освои титулата во слалом во ски-алпските дисциплини на игрите на Пјонгчанг. Тој триумфираше со вкупно време од двете серии 1:38.99 минути и стана најстариот олимписки шампион во историјата на алпското скијање.

Швеѓанецот, освојувач на бронзен медал во слалом од Ванкувер 2010, беше втор по првата трка со 47.93 секунди, но лидерот во неа, Хенрик Кристоферсен од Норвешка (47.72 секунди) направи грешка уште во почетокот на своето второ спуштање, откако пропушти врата и не заврши.

Големиот фаворит Марсел Хиршер (Австрија), олимписки првак во Пјонгчанг во комбинација и во велеслалом, пак отпадна по првиот спуст, од што искористија Рамон Ценхојзерн од Швајцарија и Михаел Мат од Австрија, кои го комплетираа подиумот. Ценхојзерн (25), кој има само една победа во кариерата за Светскиот куп во градската трка во Стокхолм во оваа сезона, беше деветти во првиот спуст, но со солидно возење во вториот се искачи до второто место и го заслужи среброто со заостанување од 34 стотинки од вториот по Милер.

Михаел Мат, помал брат на олимпискиот шампион во слалом од Сочи 2014 Марио Мат, пак, беше најбрз во втората серија и напредуваше од 12-та на третата позиција за да се закити со бронза. Французите Клеман Ноел, Алекси Пинтуро и Виктор Муфа-Жанде ги додаваат топ шест откако шестиот Муфа-Жанде остана само на девет стотинки од место на подиумот.

Ски-алпски дисциплини, слалом, мажи:

1. Андре Милер (Шведска) - 1:38.99 минути (47.93 секунди во првиот спуст и 51.06 секунди во вториот)

2. Рамон Ценхојзерн (Швајцарија) - 1: 39.33 (48.66 и 50.67)

3. Михаел Мет (Австрија) - 1: 39.66 (49.00 и 50.66)

4. Клемен Ноел (Франција) - 1: 39.70 (48.58 и 51.12)

5. Алекси Пинтуро (Франција) - 1: 39.72 (48.54 и 51.18)

6. Виктор Муфа-Жанде (Франција) - 1: 39.75 (48.34 и 51.41).

Забава

Салма Хаек со поќерката ги привлече сите погледи во Венеција (ФОТО)

Салма Хаек и нејзината 23-годишна поќерка Матилда Пино привлекоа внимание на гала вечерта во Венеција, каде се појавија во елегантно издание.

57-годишната актерка пристигна во долг син фустан со светки, додека Матилда носеше сребрен фустан. Со нив бил и Франсоа-Анри Пино, сопругот на Салма и татко на Матилда.

Актерката е во брак со бизнисменот Франсоа-Анри Пино од 2009 година. Салма ја има ќерката Валентина Палома со Пино. Бизнисменот од врската со Линда Евангелиста го има синот Аугустин Џејмс, а од првиот брак со Дороте Лепер ја има ќерката Матилда и синот Франсоа.

Од почетокот на врската со Пино, Салма развива добри односи со неговите деца. Таа неколку пати објавуваше заеднички фотографии.

Македонија

Димитриеска Кочоска: Платформа 1198 значи повисок стандард, раст на БДП од 5% на среден рок

Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси.

Ако немаме економија, тогаш не можеме да очекуваме развој во ниту еден сегмент.

Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.

И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.

Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.

Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.

Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша, рече Гордана Димитриеска Кочоска, кандидат за пратеник во изборна единица 1.

Свет

Напад со нож во Шведска: Застрелан е напаѓачот, кој им се нафрли на три постари жени

Шведската полиција соопшти дека застрелала маж во врска со нападот на три постари жени во градот Вастерас.

Полицијата соопшти дека мажот ги нападнал жените на возраст меѓу 65 и 80 години со остар предмет, пренесува Ројтерс. Шведската агенција Експресен објави дека една од жените и напаѓачот се во болница со сериозни повреди.

Очевидци велат дека слушнале десет истрели. Нападот се случил денеска околу 12:25 часот.

"Многу полицајци беа на местото на нападот. Мислевме дека станува збор за петарди. Не знаевме за што се работи. Автомобилот на нашиот сосед беше уништен. Полициско возило удри во него", рекол еден од очевидците.

притисни ентер