Почнува судењето по тужбата на Јуџин Бушар против Тениската федерација на САД

Во Њујорк денеска ќе започне судскиот процес по тужбата на канадската тенисерка Јуџин Бушар против Тениската федерација на САД, откако пред две години на Ју Ес опен падна, при што ја удри главата и доби потрес на мозокот.
Бушар тужбата ја поднесе во 2015 година, односно шест седмици по несреќата поради која мораше да се повлече од турнирот.

Инцидентот се случил на 4 септември во вечерните часови во соблекувалната, а според тенисерката причина за паѓањето е течноста за чистење со која се бришеле подовите.

Таа бара отштета за физичките и психолошките проблеми со кои се соочува, надомест за медицинските трошоци, како и дел од паричната награда од турнирот, бидејќи била спречена да го освои.

Од Тениската федерација сметаат дека се неосновани нејзините тврдења за небрежното однесување на персоналот на Ју Ес опен, како и дека тенисерката сама преземала ризик поради влегување во соблекувалната надвор од пропишаното време.

Канадската тенисерка по повредата во 2015 година одигра само уште еден натпревар и тоа во Пекинг, кој го предаде поради вртоглавица. Сепак, се до почетокот на сезоната во 2016 година таа не ги наведуваше како проблем симптомите од потресот на мозокот.

Бушар, која важи за една од најубавите тенисерки на денешницата, во моментов е повторно во фокусот на јавноста поради нејзината провокативна фотосесија за списанието „Спортс илустрејт”./МИА

СП 2018: Уругвај ја совлада Саудиска Арабија и обезбеди пласман во осминафинале

Уругвај со минимални 1:0 ја совлада Саудиска Арабија во второто коло од групата А на Светското првенство во Русија.

Уругвајците ја забележаа втората победа на Мундијалот и обезбедија место во осминафиналето.

Стрелец на победничкиот гол беше Луис Суарез во 24-та минута, кој го искористи невниманието на одбрана на Саудиска Арабија.

Во останатиот дел од натпреварот Уругвајците успеаа да го обранат минималното водство доволно за победа.

Место во нокаут фазата од оваа група обезбеди и Русија, која исто така по двете кола освои максимални шест бода. /МИА

СП 2018: Роналдо и донесе победа на Португалија против Мароко

Португалија со минимални 1:0 го совлада Марoко во групата Б на Светското првенство во Русија.

Стрелец на победничкиот гол во четвртата минута беше Кристијано Роналдо.

Во текот на целиот натпревар Мароко ја имаше иницијативата, особено во вториот дел кога се обиде сериозно да го загрози португалскиот гол.

Меѓутоа, Португалија успеа да се обрани и неколку пати се обиде да го зголеми водството преку контранапади.

Мароко со два порази ги загуби шансите за пласман во следната фаза, а Португалија со четири освоени бода е на чекор од осминафиналето. /МИА

Вардар против Пјуник, Хонвед противник на Работнички, Шкупи против славниот Глазгов Р. во 1. коло од Лигата на Европа

 Вардар за противник во 1. квалификациско коло во Лигата на Европа ќе го има тимот на Пјуник од Ерменија.

Ова е резултат на ждрепката која денеска се одржа во седиштето на УЕФА во Нион.

Првиот натпревар треба да се игра на 12 јули во Ереван, а на реваншот седум дена подоцна, Вардар да биде домаќин. 

До сега Вардар нема играно официјален европски натпревар против тим кој доаѓа од Ерменија, додека Пјуник два пати ги има одмерено силите со македонски претставник, односно со Победа и со Тетекс, каде што два пати беше успешен. 

Унгарскиот Хонвед прв ривал на Работнички во ЛЕ

 Екипата на Хонвед е противник на Работнички во првото квалификациско коло од Лигата на Европа на УЕФА. Ова го одреди денешниот ждреб во Нион.

Првиот меч ќе се одигра на 12.јули во Будимпешта, додека реваншот треба да се одигра седум дена подоцна во Скопје.

Минатата сезона Хонвед го заврши на четвртото место во првенството на Унгарија. 

Шкупи го доби славниот Глазгов Ренџерс за ривал во квалификациите од ЛЕ

Трофејниот шкотски клуб Глазгов Ренџерс ќе му биде противник на Шкупи во првото квалификациско коло од фудбалската Лига Европа.

Првиот натпревар на 12 јули ќе се игра во Шкотска, а во реваншот домаќин ќе биде Шкупи.

Претходно на жрепката во седиштето на УЕФА во Нион, ривалите за првата рудна ги добија и другите два македонски претставника.

Вардар ќе игра со Пјуник од Ерменија, додека Работнички ќе се сретне со Хонвед од Унгарија. 

притисни ентер