Бекер: Новак не го ценат доволно

Тениската легенда Германецот Борис Бекер е уверен дека Новак Ѓоковиќ ќе продолжи да освојува титули откако во целост ќе му заздрави повредата на лактот, која го мачи веќе две години.
Најдобриот српски тенисер, со Бекер како главен тренер, освои шест Гренд слем титули, вклучувајќи го и Ролан Гарос во 2016 година, но потоа проблемите со повредата на Ѓоковиќ стануваа се поочигледни.

- Можеби Новак не е доволно ценет затоа што игра во ера на двајца неверојатно популарни и успешни играчи како Роже Федерер и Рафаел Надал, наведува Бекер и додава дека „Ѓоковиќ  има неверојатна кариера и дека е привилегија да се работи со него“.

Германецот се осврна и на повредениот Енди Мари, кој во почетокот на годината го оперираше колкот во Мелбурн.

- Енди е еден од најдобрите, тоа е сигурно. Да играше во друг период сигурно ќе освоеше повеќе титули што би го потврдиле неговиот квалитет. Тој има желба да биде на врвот и тоа е нешто посебно, потенцира Бекер.

Според  него, постојат повеќе млади играчи кои се обидуваат да се пробијат кон врвот, но сепак актуелната „голема четворка“ ја сочинуваат Надал, Федерер, Ѓоковиќ и Мари./МИА

Фото: Вардар пристигна во Келн

Ракометарите на Вардар денеска пристигнаа во Келн каде викендов ќе ги играат натпреварите на Ф4 турнирот во Лигата на шампионите.

Вардарци кои ќе ја бранат титулата се првиот тим што пристигна во германскиот град. Доаѓањето на другите три полуфиналисти, сите се од Франција, е најавено за попладне.

За денеска планиран е и првиот тренинг, пред саботниот полуфинален меч со Монпеље.

Македонскиот шампион се надева дека ќе биде првиот тим што ќе го одбрани шампионскиот трофеј во ЛШ.

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

притисни ентер