Женскиот боб-тим на Јамајка може да остане без санка

Настапот на женскиот боб-тим на Јамајка, кој треба да дебитира на Зимските олимписки игри во Пјонгчанг, е ставен под знак прашање, откако поради протестот на тренерот Сандра Киријазис може да остане без санка.
Германката Киријазис, која е повеќекратна светска шампионка и освојувач на злато од Торино во 2006 година, смета дека е исфрлена од тимот со тоа што ѝ е сменета улогата. Меѓутоа таа исто така смета дека е правно одговорна за санката и дека поради тоа ќе ја одземе, па тимот нема да има со што да се спушти низ стазата и да се натпреварува.

- Никогаш во животот не сум имала вакво разочарување во овој спорт, вели Киријазис.

Таа според договорот требала да биде тренер на тимот, но од Јамајканската федерација е прераспределена во аналитичар на патеката, што би значело да нема пристап до натпреварувачките.  Киријазис потенцира дека е одговорна за санката, бидејќи самата ја набавила благодарение на своите познанства.

- Членовите на екипата не разбираат зошто се случи ова и немаат проблем со мене. Ние сме во добри односи, нагласува таа.

Јамајка е позната по тоа што нивниот машки боб-тим имаше легендарен дебитански настап на Игрите во Калгари во 1988 година, а 30 години подоцна во Пјонгчанг има шанса да дебитира и женската екипа./МИА

Фото: Европскиот шампион Вардар пристигна во Келн

Ракометарите на Вардар денеска пристигнаа во Келн каде викендов ќе ги играат натпреварите на Ф4 турнирот во Лигата на шампионите.

Вардарци кои ќе ја бранат титулата се првиот тим што пристигна во германскиот град. Доаѓањето на другите три полуфиналисти, сите се од Франција, е најавено за попладне.

За денеска планиран е и првиот тренинг, пред саботниот полуфинален меч со Монпеље.

Македонскиот шампион се надева дека ќе биде првиот тим што ќе го одбрани шампионскиот трофеј во ЛШ.

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

притисни ентер