ЛОИ Рио 2016

Сите освојувачи на медали од четвртиот ден во Пјончанг

Четвртиот натпреварувачки ден на Зимските олимписки игри во Пјонгчанг донесе големи возбудувања, откако репрезентативците на Канада, Холандија и Олимписките спортисти од Русија освоија по три сета медали.

Денеска се појави и првиот Македонец на Зимската олимпијада во Пјонгчанг. На квалификациската трка спринт класично на 1,4 км. Ставре Јада заврши на 80. место.
Освојувачи на медали од четвртиот ден од Зимските олимписки игри во Пјонгчанг (8 финалиња):
Сноуборд, „халфпајп“, жени:

1. Клоуи Ким (САД) - 98,25 поени
2. Џијау Лиу (Кина) - 89,75
3. Ариел Голд (САД) - 85,75

Ски-алпски дисциплини, комбинација, мажи:

1. Марсел Хиршер (Австрија) - 2: 06.52 минути
2. Алекси Пинтуро (Франција) - + 0,23 секунди
3. Виктор Муфе-Јанде (Франција) - + 1.02 секунди

Карлинг, мешани тимови:

1. Канада
2. Швајцарија
3. ОА Русија

Kласичен спринт, жени:

1. Стина Нилсон (Шведска) - 3: 03.84
2. Мајкен Каперен Фала (Норвешка) - 3: 06.87
3. Јулија Белорукова (ОА Русија) - 3: 07.21

Крос-кантри скијање, класичен спринт, мажи:

1. Јоханес Клаебо (Норвешка) - 3: 05.75
2. Федерико Пелегрино (Италија) - 3: 07,09
3. Александар Болшунов (ОА Русија) - 3: 07.11

Брзо лизгање, 1.500 метри, мажи:

1. Келд Нијс (Холандија) - 1: 44.01 минути
2. Патрик Руст (Холандија) - 1: 44.86
3. Ким Мин Сок (Република Кореја) - 1: 44.93

„Шорт-трек“, 500 метри, жени:

1. Аријана Фонтана (Италија) - 42.569 секунди
2. Јара ван Керкхоф (Холандија) - 43.256
3. Ким Бутен (Канада) - 43.881

Санка, жени:

1. Натали Гејзенбергер (Германија) - 3: 05.232 минути
2. Дијана Ајтбергер (Германија) - 3: 05.599
3. Алекс Гоф (Канада) - 3: 05.644.

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер