Клаебо убедлив во крос-кантри

Норвежанецот Јоханес Клаебо, кој е лидер во Светскиот куп, на убедлив начин ја освои олимписката титула во крос-кантри спринтот кај мажите во Пјонгчанг.
Клаебо поведе во средина на дистанцата, се оддели од останатите и не остави сомнеж дека ќе го освои олимпиското злато. Тој ја помина трасата за 3:05,75 минути.
Дваесет и едно годишниот Норвежанец, познат како „Комета“, стана најмладиот олимписки шампион во машкото крос-кантри скијање.
Досега најмладиот првак на Олимпијада во крос-кантри беше Швеѓанецот Гунде Сванте на 22-годишна возраст, кога се избори за злато на 15-те километри во 1984 година во Сараево.
Клаебо, кој има девет победи во Светскиот куп во оваа сезона, нападна моќно на последното искачување по 1,4-километарската траса и триумфираше со убедлива предност.
Значително понеизвесна беше битката за второто место, која беше решена по фотофиниш. Со среброто се закити Федерико Пелегрино од Италија, кој остана на 1,34 секунди зад победникот. Русинот Александар Болшунов заврши на две стотинки по италијанскиот натпреварувач и мораше да се задоволи со бронза.

Крос-кантри, спринт, финале, мажи:

1. Јоханес Клаебо (Норвешка) 3: 05.75
2. Федерико Пелегрино (Италија) 3: 07.09
3. Александар Болшунов (Русија) 3: 07.11
4. Паал Голберг (Норвешка) 3: 09.56
5. Оскар Свенсон (Шведска) 3: 13.48
6. Растомати Хакола (Финска) 3: 26.47.

Хамилтон не го достигна Шумахер, Раиконен победи на трката во Остин

Кими Раиконен е победникот на трката за Големата награда на САД во Формула 1 .

По цели 113 трки , Раиконен успеа да победи на патеката во Остин и му ја одзеде шансата на Луис Хамилтон да ја освои петтата титула по ред , со што би го достигнал Мајкл Шумахер.  Раиконен ја заврши трката пред Макс Ферстапен , кој полека ја градеше предноста и од 18 тото се проби на второто место.

Со тоа тимот на Ферари дојде до првата титула по серијата на Мерцедес и на Хамилтон. Тој имаше шанси за прво место , но Ферстапен и неговото маестрално возење , му ја одзедоа предноста.

На Хамилтон му останува нова можност за освојување на титула , следната недела во Мексико.

Тоа е тренер – преку мотивациски говор направи пресврт (ВИДЕО)

На турнирот во Москва тенисерката Дарја Касаткина беше на чекор до пораз , но тренерот направи да има пресврт.

Касаткина во финалето на турнирот во Москва губеше од тенисерката од Тунис , Онс Џабур со 0:2 во сетови , а тогаш се појави тренерот на Русинката Филип Дехес.

,,Уште си во игра , имаш десет минути за да најдеш решение . Немој да мислиш дека не е можно.” , така го почна Дехес мотивацискиот говор по кој Русинката направи пресврт и победи во финалето , со што ја освои втората титула во кариерата , а прво во 2018.

Марадона веќе не може да оди (ВИДЕО)

Легендарниот фудбалер Дијего Марадона има сериозни здравствени проблеми.

Аргентинскиот фудбалер , кој сега е тренер на мексиканскиот клуб Дорадос со години се мачи со артритисот , поради што пред Светското првентство во Русија летово примаше терапија за да ја намали болката.

Марадона деновиве е снимен како едвај се движи по теренот , на кој тренира неговиот клуб. ,, Диего не е свесен за своите години . Тој и натаму на терен излегува како да има 20 . “ вели неговиот адвокат Матијас Морла.

57 – годишниот фудбалер во последно време на натпреварите доаѓа на штаки.

притисни ентер