Влазерими принудно на подготовки во Драч

Во неодамнешните поплави што се случија во кичевскиот регион покрај 140 домови настрада и стадионот на фудбалскиот клуб Влазерими, кој се претвори во вистинско езеро.
Покрај теренот со поплавата беа зафатени и соблекувалните со комплетниот инвентар, како и спортската опрема.

По оваа природна катастофа првите луѓе на клубот упатија апел за помош до Фудбалската федерација на Македонија и општината, но и до сите љубители на фудбалот воопшто.

По овој апел три кичевски компании донираа пари за да продолжи подготвителниот период на екипата за пролетниот дел од првенството, во кое тие се есенски прваци бидеќи беше невозможно да продолжат во Кичево. Подготовките на клубот продолжија на албанското крајбрежје во Драч.
Тренерот на екипата Назми Ајдини вели дека условите во Драч се прекрасни. Освен тренинзи два пати дневно, во Драч фудбалерите ќе одиграат и пријателски натпревари со екипи кои во моментот се исто така на подготовки во овој град за што поподговени да го пречекаат почетокот на пролетниот дел од првенството.

Пролетниот дел од првенството во втората лига ќе започне во првиот викенд на идниот месец кога Влазерими кој е прв, највероватно на градскиот стадион во Кичево ќе ја пречека второпласираната екипа на Гостивар од истоимениот град./МИА

Фото: Вардар пристигна во Келн

Ракометарите на Вардар денеска пристигнаа во Келн каде викендов ќе ги играат натпреварите на Ф4 турнирот во Лигата на шампионите.

Вардарци кои ќе ја бранат титулата се првиот тим што пристигна во германскиот град. Доаѓањето на другите три полуфиналисти, сите се од Франција, е најавено за попладне.

За денеска планиран е и првиот тренинг, пред саботниот полуфинален меч со Монпеље.

Македонскиот шампион се надева дека ќе биде првиот тим што ќе го одбрани шампионскиот трофеј во ЛШ.

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

притисни ентер