Лазовски го скрати список на кошаркарки повикани за евро-квалификациите

Селекторот на македонската репрезентација Марјан Лазовски, го скрати списокот на кошаркарки повикани за претстојните два натпревара во рамки на евро-квалификациите.
Македонија ќе биде ослабена со неиграњето на Јелена Антиќ и Ивона Пејковска поради рехабилитација од повредите кои ги заработија кон крајот на минатата календарска година.
Во овој прозорец на располагање на Марјан Лазовски нема да биде ниту нашата натурализирана кошаркарка Криси Гивенс која ќе го искористи периодот за рехабилитација од стрес-фрактура.
Повик од Лазовски добија:
1. Анџелика Митрашиновиќ
2. Ана Тантуровска
3. Александра Стојановска
4. Нена Трајчевска
5. Софија Лазареска
6. Ивана Кметовска
7. Едина Муса
8. Јована Петрушевска
9. Цветанка Димова
10. Анамарија Шеќероска
11. Кристина Јаневска
12. Ивона Кожобашиовска
13. Матеа Николиќ
14. Ешли Парис
Првиот натпревар сениорките го играат на домашен терен, против Хрватска, на 10 февруари со почеток во 20:45. Вториот натпревар го играат на гостински терен против Италија./МИА

Буфон: Ќе ми треба една седмица да донесам конечна одлука

Џанлуиџи Буфон се уште не донел конечна одлука дали и каде ќе ја продолжи кариерата и ги демантира шпекулациите кои се појавија во светските медиуми дека веќе се договорил со Пари Сен Жермен.

Францускиот шампион му упати покана на Буфон кариерата да ја продолжи во француската престолнина.

Буфон се повлече од Јувентус по 17 години поминати во торинскиот гигант. Тој во саботата за последен пат играше натпревар за „старата дама“.

- Ќе ми треба барем една недела, за да се смирам и да дојдам на себе по заминувањето на Јувентус. Има 40 години, минато ми е времето да носам спонтани и избрзани решенија. Треба внимателно да анализирам ситуацијата, бидејќи изборот не е лесен, изјави Буфон за „Скај Спорт“. 

Усека прв пат во историјата ќе игра во Примера

За првпат во клупската историјата, екипата на Усека ќе игра во најсилната шпанска фудбалска лига. 

Уеска ја победи Луга со 2:0 во последнито натпревар од 40. коло во Сегунда и на две рунди пред крајот создаде недостижни седум бода предност пред Спортинг од Хихон, кој е на третото место.

Усека ќе биде тимот со најмал стадион во историјата на Примера. „Ел Алкорас“ има капацитет од само 5.500 илјади гледачи. Досега прв на оваа листа беше Еибар со „Мунисипал“ кој собира 7.000 посетители.

Во следните две рунди од Сегунда шанси за прволигашки пласман има Рајо Ваљекано, додека за место во плејофот ќе се борат Спортинг Хихон, Сарагоса, Ваљадолид и Кадиз, Нумансија, Овиедо и Осасуна.

Од Приемра испаднаа Ла Коруња, Лас Палмас и Малага. 

Емери наследник на Венгер во Арсенал

Унаи Емери ќе биде новиот менаџер на Арсенал, пренесе Би-Би-Си, наведувајќи дека разговорите на раководството на премиерлигашот со младиот шпански тренер Микел Артета не завршила позитивно.

Се очекува денеска или утре и официјално Арсенал да го промовира досегашниот тренер на ПСЖ.

46-годишниот Емери претходно работеше во Лорка, Алмерија, Валенсија, Спартак Москва и Севиља со која има три трофеи во Лига Европа. 

притисни ентер