Познати учесниците на НБА „Ол Старот“

Познати се 24-те кошаркари кои ќе настапат на 67. издание од НБА „Ол Стар“ натпреварот кој оваа година ќе се игра во Лос Анџелес.
За прв пат се избираше по новите правила. Навивачите, медиумите и играчите ги избраа капитените Леброн Џејмс од Исток и Стеф кари на Запад, додека тренерите одлучија за останатите меѓу кои не се ѕвездите како Крис Пол, Андре Драмонд, Пол Џорџ, Кемба Вокер,...

Од Исток се повикани: Кајл Лаури (Торонто), Џон Вол (Вашингтон), Бредли Бил (Вашингтон), Виктор Оладипо (Индијана), Кевин Лав (Кливленд), Кристапс Порзингис (Њујорк) и Ал Хорфорд (Бостон).

Од Запад повик добија Демијан Лилард (Портланд), Клеј Томпсон (Голден Стејт), Џими Батлер (Минесота), Расел Вестбрук (Оклахома), Дрејмонд Грин (Голден Стејт), Карл-Ентони Таунс (Минесота) и Ламаркус Олдриџ (Сан Антонио).

За прв пат нема да има класичен дуел Исток против Запад, туку капитените Џејмс и Кари ќе бираат петорки во конкуренција на Јанис Адетокумбо (Милвоки), Кевин Дурант (Голден Стејт Вориорс), Демар Дерозан (Торонто), Кајри Ирвинг (Кливленд), Демаркус Казинс (Њу Орлеанс), Ентони Дејвис (Њу Орлеанс), Џејмс Харден (Хјустон) и Џоел Ембид (Филаделфија).

„Ол Стар“ натпреварот е на програмата на 18 февруари во „Стејплс Центарот“. 

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

Наполи го отпушти тренерот Маурицио Сари

Италијанскиот фудбалски клуб Наполи го отпушти тренерот Маурицио Сари.

- Му благодариме на Маурицио Сари на драгоцената посветеност во Наполи, кој на овој град и навивачите ширум светот им донесе убави емоции и престиж, создавајќи стил на игра на кој му се воодушевуваа сите, напиша претседателот на клубот Аурелио де Лаурентис.

Фудбалскиот стручњак ќе добие обесштетување од половина милион евра, бидејќи Наполи му врачи отказ пред први јуни.

Сари е прв кандидат да го наследи Антонио Конте во Челзи, а на неговото место во Наполи треба да дојде Карло Анчелоти. Се очекува Анчелоти наскоро и официјално да биде претставен како нов тренер на Наполи./МИА

притисни ентер