Нов триумф на Хиршер во Аделбоден

Марсел Хиршер уште еднаш потврди дека во моментов е најдобриот светски скијач кога во прашање се техничките дисциплини.

По триумфите во Загреб пред четири дена, Австриецот вчера и денеска доминираше и на патеките во швајцарскиот ски-центар Аделбоден. Откако вчера победи во велеслаломската, денеска Хиршер победнички ја заврши и слаломската трка.

Тој за само 13.стотинки беше побрз од сонародникот Михаел Мат, додека трето пласираниот Хенрик Кристоферсен од Норвешка заостана вкупно 16.стотинки по двете слаломски трки.

За Хиршер ова беше вкупно седма победа сезонава, со која се зацврсти на врвот на табелата во севкупниот генерален поредок во Светскиот куп, сега со вкупно 774 бодови. Зад Австриецот се Норвежанецот, Кристоферсон (660 бодови), додека пред неговите сонародници Кјетил Јансруд (480) и Аксел Лунд Свиндал (454), сега како трето рангиран е Французинот, Алекс Пинторо (502) .

За Хиршер ова беше 52-та победа во кариерата и е на само две помалку од неговиот сонародник Херман Мајер кој има 54 победи во кариерата, додека на првото место на вечната листа засега е неприкосновениот Швеѓанец, Ингемар Стенмарк со 86 победи. /МИА

Царинските службеници во Грција ќе одржат 48-часовен штрајк следната седмица

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк.

Дводневен штрајк за 2 и 3 април закажаа грчките царинските службеници, што ќе влијае и на сообраќајот на граничните премини од Грција кон соседните земји, меѓу кои и Македонија, јави дописничката на МИА од Атина.

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк, а од Синдикатот на вработени во јавниот сектор преку соопштение изразија поддршка за штрајкот.

Според информациите на дописничката на МИА од Атина, поради 48-часовниот штрајк на цариниците целосно ќе биде во прекин сообраќајот на граничните премини од и кон Грција за товарните возила и секаков вид пратки, додека пак во однос на автомобилите, не е исклучена можноста возилата повремено да се пропуштаат, нешто што ќе се дефинира и појасни непосредно пред почетокот на штрајкот.

Паоло Малдини би можел да се врати во Милан

Легендата на Милан, Паоло Малдини може да се врати во клубот.

Според „pianetamilan.it“ под фотографијата објавена од сопругата на Малдини, Адријана, се појавило прашање дали да го очекуваме функционерот во клубот од Милано. Сопругата на Малдини стави смајли што може да се протолкува како „наскоро“.

Милан го отпушти Малдини во летото 2023 година. Неговите играчки денови во Милан траеја од 1984 до 2009 година. Во овој период со клубот освои 26 трофеи, од кои седум победи во италијанското првенство и пет во Лигата на шампионите.

Малдини ја презеде функцијата технички директор во 2019 година, а од 2018 година работи како директор за стратешки развој. Вкупно, тој помина 36 години во Милан во различни статуси.

Саудиска Арабија за прв пат учествува на изборот за Мис Универзум

Саудиска Арабија ќе учествува на изборот за Мис Универзум 2024 за прв пат во историјата на изборот.

Руми Алкахтани, 27-годишна манекенка и инфлуенсер родена во Ријад, ќе ја претставува Саудиска Арабија на изборот за убавина.

- Чест е да се учествува на изборот за Мис Универзум 2024. Ова е прво учество на Кралството Саудиска Арабија на изборот за Мис Универзум - објави таа на својот Инстаграм профил.

Освен што е крунисана за Мис Саудиска Арабија, Алкахтани ги носи и титулите Мис на Блискиот Исток, Мис на Арапскиот свет за мир 2021 година и Мис жена на Саудиска Арабија.

Таа претходно ја претставуваше Саудиска Арабија на неколку меѓународни натпревари, меѓу кои и оној за Мис Азија, кој се одржа во Малезија, пишува Index.hr.

притисни ентер