Лукајиќ: Во овој момент не сме физички подготвени за денешната кошарка

Македоснкиот кошаркарски првак МЗТ Скопје Аеродром синоќа во Задар претрпе нов пораз во АБА лигата.
Храватскиот тим Задар беше поуспешен со 105:80 во првиот натпревар од 14.коло и ја постигна седмата победа со која се проби на четвртото место на табелата.
МЗТ Скопје остана последен со само две победи и 12 порази.
На прес конференцијата по дуелот тренерот на „металците“ Жељко Лукајиќ изјави:

- Задар беше подобар и заслужено победи. Имаа добра одбрана и во нападот добро шутираа. Ние имавме проблеми со повреди. Во овој момент Задар има и подбра форма и игра. Ние баравме изненадување, но нашата реалност е дека мора да направиме добра анализа. Мора да го подобриме впечатокот барем до крајот на сезоната. Во овој момент не сме физички подготвени за денешната кошарка. Убеден сум дека играчите на МЗТ Скопје знаат да играат. Во одбрана да играме со малку повеќе „срце“ што ќе ни донесе повеќе позитвни резултати.

МЗТ Скопје на дуелот со Задар одигра лоша прва четврина, која ја загуби со 32:14, што се покажа како решавачко.

Следниот натпревар МЗТ Скопје Аеродорм го игра на домашен терен против Игокеа на 5.јануари (петок)./МИА

СП 2018: Шаќири: Мојата радост беше полна со емоции

Швајцарскиот фудбалер Ѓердан Шаќири изјави дека не сака да ги коментира реакциите на радоста на неговиот победнички гол против Србија.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а стрелец на решавачкиот гол беше Шаќири во 90-та минута.

Швајцарскиот фудбалер со косовско потекло на голот и на победата се радуваше гестикулирајќи орел како симбол на албанското знаме, а многумина особено од српската страна го сфаќaат како политичка провокација.

- Не сакам да го коментирам тоа. Ја видовте мојата радост беше полна со емоции. Оваа победа е за Швајцарија и тоа е се што би рекол за темата, истакна Шаќири.

На сличен начин и неговиот соиграч Гранит Џака, кој исто така има албанско потекло, се радуваше на првиот гол кој го постигна за израмнување на Швајцарија. /МИА

СП 2018: Митровиќ: Многу наивно ги примивме головите

Српскиот фудбалер Александар Митровиќ по натпреварот со Швајцарија изјави дека многу наивно доволиле да примат два гола.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а Митровиќ во петтата минута го постига единствениот гол за српската репрезентација.

- Не знам што се случи, ги примивме головите многу наивно и многу глупаво. Наместо да го браниме резултатот...Не може да се оди како мува без глава, разочаран сум, истакна Митровиќ.

За Србија сега единствена шанса за пласман во осминафиналето е победа против Бразил.

- Треба да се бориме против Бразил и да играме за победа. И Костарика и Швајцарија покажаа дека може да се игра против нив, наведе српскиот фудбалер.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман. /МИА

СП 2018: Швајцарија ја совлада Србија

Швајцарија ја совлада Србија со 2:1 во натпревар од групата Е на Светското првенство во Русија.

Во возбудливиот натпревар со сериозни шанси на двете страни, српската репрезентација дојде до водство од 0:1 со голот на Александар Митровиќ во петта минута, резултат со кој се замина на паузата.

Во почетокот на вториот дел Гранит Џака беше прецизен и Швајцарија во 52-та минута израмни на 1:1.

Швајцарската репрезентација со голот на Џердан Шакири во 90-та минута дојде до победа од 2:1.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман./МИА

притисни ентер