Соколов отпатува за Задар, но неизвесен е неговиот настап

Македонскиот репрезентативец Дарко Соколов отпатува за Задар, заедно со останатите играчи на МЗТ Скопје Аеродром, но неговиот настап на утрешниот меч останува неизвесен.
Соколов поради провреда ги пропушти последните две средби на МЗТ Скопје, дуелите против ФМП во АБА лигата, како и средбата пред три дена против АВ Охрид во домашниот шампионат.

Иако искусниот бек е во експедицијата на македонскиот првак, сепак неизвесно е колку и дали воопшто тренерот Жељко Лукајиќ ќе може да смета на искусниот бек.

Дуелот против Задар е можеби и последната шанса за МЗТ Скопје, да остане во игра за подобар пласман, односно да го избегне дното на табелата, а со тоа и испаѓање од АБА лигата.

Аеродромци ги очекува тежок меч, дополку се земе и во предвид традицијата во дуелите против Задар, во кои хрватската екипа има шест наспроти петте победи на МЗТ кој досега се има радувано само на една победа на четирите меча одиграни во арената „Крешимир Ќосиќ“.

Притисокот е дополнително поголем со оглед на факотот дека кошаркарите на МЗТ Скопје се немаат радувано на победа од 16 октомври, по што следуваше серијата од дури девет порази во низа.

Дуелот Задар – МЗТ Скопје на програмата е утре од 20 часот, а е првиот од 14.коло во АБА лигата./МИА

СП 2018: Шаќири: Мојата радост беше полна со емоции

Швајцарскиот фудбалер Ѓердан Шаќири изјави дека не сака да ги коментира реакциите на радоста на неговиот победнички гол против Србија.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а стрелец на решавачкиот гол беше Шаќири во 90-та минута.

Швајцарскиот фудбалер со косовско потекло на голот и на победата се радуваше гестикулирајќи орел како симбол на албанското знаме, а многумина особено од српската страна го сфаќaат како политичка провокација.

- Не сакам да го коментирам тоа. Ја видовте мојата радост беше полна со емоции. Оваа победа е за Швајцарија и тоа е се што би рекол за темата, истакна Шаќири.

На сличен начин и неговиот соиграч Гранит Џака, кој исто така има албанско потекло, се радуваше на првиот гол кој го постигна за израмнување на Швајцарија. /МИА

СП 2018: Митровиќ: Многу наивно ги примивме головите

Српскиот фудбалер Александар Митровиќ по натпреварот со Швајцарија изјави дека многу наивно доволиле да примат два гола.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а Митровиќ во петтата минута го постига единствениот гол за српската репрезентација.

- Не знам што се случи, ги примивме головите многу наивно и многу глупаво. Наместо да го браниме резултатот...Не може да се оди како мува без глава, разочаран сум, истакна Митровиќ.

За Србија сега единствена шанса за пласман во осминафиналето е победа против Бразил.

- Треба да се бориме против Бразил и да играме за победа. И Костарика и Швајцарија покажаа дека може да се игра против нив, наведе српскиот фудбалер.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман. /МИА

СП 2018: Швајцарија ја совлада Србија

Швајцарија ја совлада Србија со 2:1 во натпревар од групата Е на Светското првенство во Русија.

Во возбудливиот натпревар со сериозни шанси на двете страни, српската репрезентација дојде до водство од 0:1 со голот на Александар Митровиќ во петта минута, резултат со кој се замина на паузата.

Во почетокот на вториот дел Гранит Џака беше прецизен и Швајцарија во 52-та минута израмни на 1:1.

Швајцарската репрезентација со голот на Џердан Шакири во 90-та минута дојде до победа од 2:1.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман./МИА

притисни ентер