Ракомет

Раул и Марсениќ во најдобриот тим за ноември во СЕХА лигата

Актуелниот европски шампион и првак во СЕХА лига, Вардар е неприкосновен во регионалната лига со осум победи на исто толку средби сезонава и со серија од 14 натпревари по ред на кои триумфира.

Таа доминација секогаш се преточува и со избор на некој ракометар и нормално на тренер. Така вардаровиот тренер Раул Гонзалес и пивотменот Михајло Марсениќ се дел од „идеалниот тим“ во СЕХА лигата за изминатиот месец, ноември.

Со најдобрите седум се и двајца ракометари на ППД Загреб, Жарко Марковиќ - (десен бек) и Стипе Мандалиниќ (лев бек), односно средниот бек на Нексе, Саша Баришиќ - Јаман, како и крилата Нико Медвед (Горење) и Бруно Буторац (Татран), а тимот го комплетира голманот на Целје, Алјаз Пањтар.

Во последниот месец од годината, во СЕХА лигата ќе се одиграат уште три кола, во кои ќе го проследиме и второто македонско дерби меѓу Вардар и Металург меч кој ќе се игра во СЦ „Јане Сандански“ во сабота , 9 декември./МИА

Македонија

Силјановска Давкова: Горда сум на вас, на граѓаните и на членовите на ВМРО-ДПМНЕ

Почна прес конференцијата на ВМРО-ДПМНЕ , чиј кандидат Гордана Силјановска е во убедливо водство на претседателските избори.

„Ве уверувам дека ќе се обидам секој ден да докажам и да покажам дека сум таму не за својата политичка кариера, туку за Македонија. Ќе докажувам дека Македонија мора да биде слична на европските држави и да биде посакувано место за политички и за било каков натпревар. Македонија да биде твоја, да биде наша, зашто токму напуштањето на човечките ресурси нѐ остава да стоиме во место.“ , рече Силјановска Давкова.

Македонија

Прослава на ДУИ на плоштадот Скендер бег во Скопје

На плоштадот Скендер бег се собраа поддржувачи на ДУИ за да ја прослават победата на нивниот кандидат Бујар Османи.

Под силно полициско обезбедување, во овој момент насобраните се повлекоа. На местото на настанот е Михајло Видимлиски.

Свет

Санчез се повлекува од функција откако е отворена истрага против неговата сопруга

Шпанскиот премиер Педро Санчез објави дека се повлекува од јавните должности бидејќи морал „да застане и да размисли“ дали ќе продолжи да ја води владата откако суд во Мадрид отвори прелиминарна истрага против неговата сопруга за корупција.

„Итно ми треба одговор на прашањето дали вреди ... дали да продолжам да ја водам владата или да се откажам од таа чест“, објави тој преку социјалната мрежа Х.

Синдикатот Манос Лимпиас (Чисти раце) ја пријавил неговата сопруга Бегона Гомез дека им помагала на претприемачи во јавни тендери и дека имала корист од тоа. Судот претходно објави дека отворил истрага, без да даде детали.

Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.