Кошарка

МЗТ Скопје врза три победи во АБА лигата

Кошаркарите на МЗТ Скопје Аеродром остварија голема победа на денешниот пладневен натпревар против Крка со 89:65 во меч од 22.коло од АБА лигата, со што направија огромен исчекор кон опстанок во регионалното натпреварување.

Ова е трета победа по ред за „металците“, а осма вкупно во јадранското друштво која значи и бегство од зоната на најзагрозените кои до крај ќе се борат за избегнување на последното место на табелата.

„Сино-белите“ одиграа одлично прво полувреме, а фантастично второ во кое го обезбедија убедливиот триумф. Значаен е и фактот што денеска македонскиот шампион победи со поголема разлика отколку што загуби во Ново Место (87-97) што значи дека би биле подобри во ситуација ако двете екипи на крајот имаа ист број бодови.

Џош Скот одново беше фантастичен со дабл-дабл ефект од 24 поени и 13 скокови додека одлично одигра и Ксавиер Темс со 16 поени, четири скока и пет асистенции. Ѓорѓе Дреновац заврши со 14, а Шарлон Клоф со 13 поени.

Овој триумф доаѓа во вистински момент и за самодовербата пред завршниот турнир во Купот на Македонија, кој од 17 до 19 февруари ќе се одржи во Кавадарци.

Следниот јадрански предизвик МЗТ ќе го има на 21 февруари кога ќе му гостува на ФМП.
МЗТ Скопје има ефект 8-14 исто како и вториот македонски претставник во АБА лигата и се наоѓаат на делба на 9.место.

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер