Соколовски и Јанева државни шампиони во куглање

Александар Соколовски во машка и Мери Јанева во женска се победниците во сениорска конкуренција на Државното поединечно првенство во куглање за сениори и јуниори за 2014 година, кое викендов се одржа во кугланите во СЦ “Борис Трајковски” и “Мусандра” во ГТЦ.

Во машката конкуренција во категорија сениори, првите три места ги освоија играчи на Макпетрол, каде Александар Соколовски во двата дена собори вкупно 1228 дрва, Сашо Трпковски го освои второто место со 1197 соборени дрва, додека третото место му припадна на Виктор Николовски со вкупно 1174 соборени дрва.

Во женска категорија, победник во јуниорска и сениорска категорија е Мери Јанева, која во двата натпреварувачки денови успеа да собори вкупно 1055 дрва. Втора во сениорска категорија е Тања Трпковска со 1025 соборени дрва, додека третото место го освои Данче Гијевска со 1019 вкупно соборени дрва.

На натпреварите во јуниорска категорија најдобар резултат постигна Кристијан Костов со 1117 вкупно соборени дрва, второто место му припадна на Кире Георгиевски со вкупно 1056 соборени дрва, додека третото место го освои Никола Андоновски со вкупно 1050 соборени дрва.

Мери Јанева победи и во јуниорска конкуренција кај девојките, пред Ивона Кузмановска со 940 соборени дрва, додека третото место го освои Ана Печенковиќ со 794 вкупно соборени дрва.

На државното првенство учествуваа 32 натпреварувачи во машка и 9 во женска конкуренција, кои се натпреваруваа во две серии по 120 кугли, а победниците беа одлучени со вкупниот збир на соборени дрва.

Резултатот кои го постигнаа јуниорите(ките) се сметаше и за сениорска конкуренција. /МИА

„Гответе со Дракче“ - Шпагети со школки

Во среда (27.03.2024) во емисијата гостин ни беше Катерина Танева.

Состојки за денешниот рецепт:

1 пакетче шпагети

2 пакетчиња школки

2 конзерви пасиран домат

1 главица лук

1 лимон

бибер, сув зачин, сол по потреба

Погледнете како се подготвува овој рецепт:

Џакарта повеќе нема да биде главен град на Индонезија

Парламентот на Индонезија денеска одлучи дека поранешната метропола Џакарта ќе остане економски центар на земјата, како дел од планот за преместување на главниот град на островот Борнео.

Индонезија планира да го пресели својот главен град од преполната, Џакарта чија надморска височина е се попониска, во Нусантара, град вреден 32 милијарди долари кој се гради во џунглите на Источен Калимантан на Борнео.

Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.

Според новиот закон од 18 март, ќе се формира совет за „агломерација“ за да ги координира развојните планови меѓу Џакарта и нејзините сателитски градови.

Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата ќе се пресели во Нусантара.

- Откако ќе престане да биде главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата, рече тој.

Според сегашните правила, Џакарта ќе остане главен град на Индонезија додека претседателот не издаде декрет за официјално именување на Нусантара за нов главен град, кој е планиран за оваа година.

Се очекува владата годинава да одржи церемонија на Денот на независноста на 17 август во Нусантара, а до крајот на оваа година е планирано преместување на илјадници државни службеници.

Светски берзи: Скок на цената на нафтата, пад на цената на златото и пченицата

 Европските и американските берзански индекси денеска се во пораст, како и цените на нафтата, додека цените на златото и пченицата паѓаат.

Индексот DAX на Франкфуртската берза денеска во 9:10 часот порасна на 18.492,46 поени, лондонски FTSE 100 на 7.957,12 поени, францускиот CAC 40 на 8.225,07 поени, а московскиот MOEX на 3.308,14 поени.

Вредноста на американскиот берзански индекс се искачи на 39.760,08 поени, индексот S&P 500 на 5.248,49 поени, а вредноста на индексот Nasdaq на 16.399,52 поени.

Според податоците од берзите, цената на суровата нафта се искачи на 81.768 долари, а на нафтата од типот „брент“ на 85.756 долари.

Европските фјучерси на гас на отворањето на берзата ТТФ се продаваа по цена од 27.435 евра за мегават-час.

Цената на златото падна на 2.192,16 долари за унца (една унца е 28,35 грама), а цената на пченицата падна на 5,4668 долари за бушел (еден бушел е 27,216 килограми).

Вредноста на еврото во однос на доларот изнесуваше 1,07974, што е за 0,26 отсто помалку од вчера.

притисни ентер