Други спортови

Охрид домаќин на државното првенство во атлетика

Во Охрид денеска ќе се одржат натпреварите од државното првенство во атлетика, кои воедно ќе бидат од изборен карактер за претстојното Балканско првенство што ќе се одржи на 27 и 28 јули во Стара Загора, Бугарија.


Натпреварите ќе се одржат на СЦ „ Атина Бојаџи“ со почеток од 15 часот и 30 минути.

Мажите ќе се натпреваруваат во следните дисциплини: 100 метри со пречки, 100 м., 200 м., 400 м., 800 м., 1500 м., 5000 м., скок во височина, скок во далечина, трискок, фрлање ѓуле (7.26 кг.), фрлање копје (800 гр.) и фрлање диск (2 кг.).

Атлетичарките ќе учествуваат во: 100 метри со пречки, 100 м., 200 м., 400 м., 800 м., 3000 м., скок во височина, скок во далечина, трискок, ѓуле (4 кг.), фрлање копје (600 гр.) и фрлање диск (1 кг.).

Технологија

Гугл вложува 600 милиони евра за изградба на четврти центар за податоци во Холандија

Американската технолошка корпорација Гугл ќе инвестира 600 милиони евра во изградба на центар за податоци во индустрискиот имот Вестпорт во близина на холандскиот град Гронинген.

Како што пренесува NL Times, ова ќе биде четврти центар за податоци на Google во Холандија.

Компанијата информираше дека досега има инвестирано околу 3,8 милијарди евра во Холандија и додаде дека новиот центар за податоци е неопходен за да се задоволи зголемената побарувачка за вештачка интелигенција и клауд услуги.

- Организациите и владите во Холандија се повеќе се движат кон клауд. Употребата на cloud computing е речиси двојно зголемена во Холандија во последните пет години. Google инвестира во дигитална инфраструктура поради зголемувањето на побарувачката - се вели во соопштението на американската корпорација.

Центрите за податоци користат многу електрична енергија, а Google на почетокот на оваа година објави дека ќе се напојуваат со енергија од ветер од ветерните електрани на Северното Море.

Гугл има и центри за податоци во Данска, Финска и Белгија, додека главната европска канцеларија на компанијата се наоѓа во Ирска.

Свет

Ученик влегол со нож во училиште во Милано и ја барал наставничката, нејзин колега настрадал

Ученик (15) се појавил во училиштето „Луиџи Галвани“ во Милано со нож и побарал да се види со својата наставничка, но за среќа двајца професори го запреле и го разоружале.

Во таа интервенција еден од наставниците е повреден и моментално е во болница.

За среќа, повредите во болницата му биле окарактеризирани како полесни, па се очекува тој да биде добро и наскоро да биде отпуштен дома.

Според карабинерите, инцидентот се случил вчера, а се претпоставува дека ученикот имал намера да ја повреди или заплаши наставничката.

Тинејџерот имал тенденција да ја таргетира наставничката и ги прашал сите што ги сретнал на училиште за неа.

Откако бил спречен инцидентот, 15-годишниот ученик се обидел да побегне, но полициските патроли го уапсиле во близина и го однеле во станица.

Забава

Георгина и Роналдо објавија снимка од плажа- веднаш добија 3 милиони лајкови (ВИДЕО)

Георгина Родригез на Инстаграм објави романтично видео на кое ужива на плажа со својот партнер Кристијано Роналдо, ставајќи крај на гласините за проблеми во врската.

„Во рајот со тебе“, напиша таа покрај видеото како шетаат по плажа и се бакнуваат, а видеото им се допадна на повеќе од 3 милиони луѓе.

Роналдо на својот Инстаграм сподели и фотографии од одмор на кои се гледа како се забавуваат, попишувајќи ги: „Среќа“.

притисни ентер