Се е подготвено за почеток на Скопскиот Маратон

Под покровителство на Град Скопје в недела на 12 мај традиционално по деветти пат ќе се одржи Скопскиот Маратон. Организаторите очекуваат рекорден број натпреварувачи, од 36 држави пријавени се околу 4.900 за четирите трки.


Градоначалникот на Град Скопје Коце Трајановски овој настан го оцени како еден од најголемите афирматори на македонската метропола.

- Скопскиот Маратон се повеќе го зазема местото како една од најзначајните спортски манифестации во градот Скопје, па и во Република Македонија. Овој настан станува европски и светски бренд кој привлекува голем број натпреварувачи од целиот свет. Со учеството на овој маратон се исполнуваат нормите за најзначајните светски маратонски натпреварувања, истакна Трајонвски на денешната прес-конференција.

Тој најави поддршка на оваа манифестација и во следните години со цел негово понатамошно развивање.

На присутните новинари им се обрати и Александар Пујовски, директорот на Агенцијата за млади и спорт.

- Влогот на многумина низ годиниве во организирањето на овој настан придонесе Скопскиот Маратон да прерасне во настан кој го промовира нашиот град и нашата држава, градејќи и одразувајќи своевидна култура на живеење, оставајќи траен белег низ спортот, рече Пујовски.

Почетокот на трките в недела е во 9 часот кај „Рекорд“.

Како и секоја година ќе се трчаат четири трки, како главни се издвојуваат Маратонот со 200 атлетичари кои ќе се натпреваруваат на 42км. и Полумаратонот со 600 учесници на 21км. На Хуманитарната трка се пријавени 3.500 рекреативци кои ќе трчаат 5км. и на Мини Маратонот во кој ќе трчаат 600 деца.

Целта на сите трки е на Плоштадот Македонија.

Подигањето на стартните пакети ќе биде од денеска до 11 мај од двокатен панорамски автобус на плоштадот Македонија.

Општина Штип почна постапка за одземање на Б дозволата на фирмата САНС- АГ

 Општина Штип ја почна постапката за одземање на Б-интегрираната дозвола на фирмата САНС-АГ која во реонот на Пeнуш од автомобилски гуми произведуваше течно гориво.

Раководителот на Секторот за инспекциски работи во Општина Штип, Тоше Ѓоргиевски денеска информираше дека постапката ја почнале пред 30 дена, откако имале инспекциски надзори заедно со државен инспектор за животна средина и по добиениот допис од Министерството за животна средина, во кој се вели дека оваа штипска фирма неколкуратно ги прекршува условите пропишани во Б-интегрираната дозвола.

-Оваа постапка е почната пред 30 дена, но ќе напоменам дека постапката за одземање на дозволата е исто така долга, колку што е и за добивање на Б-интегрирана дозвола, вели Ѓоргиевски.

Тој очекува дека целата постапка за одземање на Б-интегрираната дозвола на фирмата САНС-АГ да трае од 90 до 120 дена. Инаку, Државниот инспекторат за животна средина и просторно планирање пред два дена ја објави и одлуката на Основниот суд во Штип, кое има изречено парична глоба за правниот субјект и за одговорното лице за затекнатите буриња со течно гориво во кругот на фабриката. Паричната глоба изнесува 1.750 евра, од кои 1.500 за правниот субјект и 250 евра во денарска противвредност за одговорното лице. САНС-АГ поголго време не работи, а е лоцирана во атарот на Пенуш.

Извлечени две тела на исчезнати работници по уривањето на мостот во Балтимор

Два дена по уривањето на мостот во пристаништето Балтимор, нуркачите извлекоа две тела од водата.

Полицијата во Мериленд соопшти дека станува збор за двајца мажи, на возраст од 26 и 35 години, од Гватемала и Мексико. Двајцата работници биле дел од градежната екипа од шест лица која во моментот на несреќата била на должност на мостот „Френсис Скот Ки“..

Останатите четворица работници се уште се водат за исчезнати, а 18 часа по несреќата беше објавено дека се претпоставува дека се мртви.. Уривањето на мостот, главната сообраќајница преку пристаништето, го затвори пристаништето Балтимор на неодредено време, кое е едно од најпрометните пристаништа на источниот брег на САД..

Наполи сака да го задржи во тимот Кварацхелија до 2029 година

Грузискиот репрезентативец во Наполи, Квича Кварацхелија може да потпише нов договор со тимот во блиска иднина.

Според „Football Italia“, новиот договор на фудбалерот со италијанскиот клуб ќе важи до летото 2029 година. Актуелниот договор завршува во јуни 2027 година.

Оваа сезона фудбалерот одигра 37 натпревари за тимот во сите натпреварувања, постигнувајќи 10 голови и пет асистенции.

Трансфер вредноста на играчот се проценува на 80 милиони евра.

притисни ентер