Искусниот германски фудбалски тренер Феликс Магат смета дека Пеп Гвардиола не може да ја подобри играта на Баерн, поради тоа што гигантот од Минхен веќе има врвна игра.
Магат, кој во минатото го водеше и големиот Баерн, истакна дека Пеп Гвардиола во Минхен ќе биде соочен со огромни очекувања од јавноста и навивачите.
„Баерн без дилема ќе добие врвен тренер, но очекувањата ќе бидат енормно големи. Тоа дури може да биде и проблем доколку не се исполнат. Баерн во моментов игра најдобро што може , така што не може да забележам како Гвардиола ќе може да ја подобри екипата. А замислете што ќе се случи ако Хајнкес сезонава ги освои сите три титули. Тогаш што ќе му остане на Гвардиола“ , изјави Магат за германските медиуми.
Баерн во моментов е на врвот на табелата во Бундеслигата со 17 бодови предност пред Борусија Дортмунд.
Гигантот од Алианц арената е многу блиску до четврфиналето во Лигата на шампионите, во првиот меч од осминафиналето во Лондон го совлада арсенал со 3-1.
Пеп Гвардиола кој за четири сезони како тренер на Барселона освои неверојатни 14 трофеи , летово ќе го преземе кормилото на Баерн Минхен со кого потпиша договор до 2016 година./К.Г.