Македонија

Јазбец: Нормално е Македонија да ја очекува препораката за ЕУ

Амбасадорот на Република Словенија во Република Македонија, Милан Јазбец при денешната посета на Штип го искажа својот оптимизам дека Македонија ќе ја добие препораката за членство во ЕУ, и покрај тоа што и понатаму треба да се работи на реформите.

- Но, јас мислам дека со оглед на она што оваа Влада направи во последните месеци, со интензивно темпо, сосема е нормално да се очекува препораката, па и со оглед на познатите факти кога Македонија го прими статусот на кандидат за ЕУ, и колку долго се очекува почетокот на преговорите. Така што јас мислам дека овде можеме да бидеме оптимисти, немаме информации, но ќе дознаеме брзо, вели Јазбец.

Тој истакна дека администрацијата не треба да се разочарува што толку време се чека на препораката, туку треба да се мотивира да работи на решавање на обичните проблеми на граѓаните. Како што посочи, кога дошол во македонија не знаел дека Скопје и Тетово се едни од најзагадените градови во Европа.

- Овде не ви требаат никакви ЕУ препораки, никакво отварање на поглавје. Тоа може да се сработи, заради животните услови, заради сите граѓани кои живеат во Тетово, кои живеат во Македонија и тоа е најдобар притисок на Европската унија, за да мисијата тргне побрзо. Сакам да кажам дека едно е формалното членство во ЕУ и формалните преговори и почетокот на отварање на поглавјата и сите оние документи, кои треба да се сработат. Ние поминавме низ овој пат и многу пати не болеше главата. Но, најважно е да се работи на реформите, проментите, за луѓето подобро да живеат, вели Јазбец.

Прашан зошто Словенија не се одлучи за протерување на руски претставник, како што направи Македонија, Јазбец со дипломатски одговор дека Словенија поддржала други договори, кои што се однесуваат на задолжително почитување на Конвенциите и практиките на подрачјето за забранување на употребата на хемиско оружје. /МИА

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер