Љубовната приказна на Стивен Хокинг: Во нашиот брак секогаш бевме четворица

После филмот „The theory of everything”, во кој е прикажан неговиот приватен живот и брак, Стивен Хокинг имаше само еден коментар: Потребно му е повеќе наука.
Неговата поранешна сопруга Џејн имаше дијаметрално спротивен коментар: Му требаа повеќе емоции. И тие две реченици за филмот кој на Еди Редмеј му донесоа оскар најдобро го одсликува нивниот брак кој завршил со развод во 1995 година.

Сепак факт е дека наука имало повеќе од емоции, бидејќи филмот бил посветен на годините во кои Џејн се грижела за сопругот, а целиот свет ја забележувал само неговата генијалност, но и болеста која предизвикува слабеење на мускулите.

После премиерата на филмот, Џејн се сретна со новинарите на „Гардијан“ кои ги угости во својата градина во Кембриџ, а тие заклучија дека Фелисити Џоунс во филмот неверојатно точно ги пренела сите нејзини движења и говор.

Љубовната врска меѓу Стивен и Џејн почнала во Тринити хол на Кембриџ откако му била дијагностицирана термална моторична невролошка болест.

Ниту еден од нив двајца не сакал тоа да им го одредува животот, а се венчале иако нивните родители стравувале дека тој брак нема иднина. После дваесет години и три деца, брак завршил потполно рамнодушно. Џејн никогаш не го сокривала своето пријателство со другите мажи.

„Најважно е тоа што чувствата во филмот се многу блиску до оние кои ги имавме. Од емотивната страна, филмот беше точен. Единствено што намалија е битката и тешкотиите кои ги поминавме во заедничкиот живот бидејќи борбата со болеста на Стивен беше многу потешка од што изгледаше на филмот“ – изјави тогаш.

После разводот од Стивен, Џејн се омажила за музичарот Џонатан Хејлер Џонс, кого и децата на Стивен брзо го прифатиле. Причината за тоа е што Џонатан долго време бил дел од животот на Џејн, дури и за време на бракот со Стивен, иако нивниот однос тогаш бил платонски. Џонатан го запознала кога пријателката и советувала да почне да пее во црковен хор, за да се релаксира од постојаната грижа за Стивен. Тоа се случило во 1977 година.

Во тоа време општеството го сметало Стивен за еден од најинтелигентните научници на денешницата. Неговата жена никој не ја забележувал, а неговото “ексцентрично“ семејство верувало дека нивниот брак нема смисла.

„Мајката на Стивен еднаш ми рече дека не ме сакаат бидејќи не се вклопувам во нивното семејство, изјави Џејн и откри дека родителите на Стивен планирале да се доселат во Кембриџ за да бидат со синот кога ќе се разведе, иако разводот воопшто не бил на повидок.

„Вистината е дека во нашиот брак секогаш постоеја четворица партнери: Стивен, јас, болеста и физиката. Доколку ја исфрлите болеста, физиката и понатаму останува, а знаете дека госпоѓата Ајнштајн како причина за разводот на својот брак ја навела физиката“ – изјавила Џејн.

Во текот на бракот Хокинг се повлекувал во себе, а иако се трудел да и ја објасни својата работа, се чувствувала како да ја исклучува од тој свет.

Нивната куќа била полна со луѓе кои се грижеле за Хокинг, а кои го осудувале нивниот начин на живот и брак во кој никогаш не биле сами.

„Постојано не оговараа и ме поткопуваа“ – изјавила таа.

Иако за тоа зборувала 25 години после разводот, било јасно дека тоа и понатаму ја боли. Една од медицинските сестри била и Елејн Мејсон, втората жена на Хокинг. За неа Џејн не сакала да зборува, иако Елејн била причината за нивниот развод.

На прашањето зошто останала со Хокинг, иако чувствувала привлечност спрема друг маж, таа изјавила дека се чувствувала како да нема избор: Го сакала Џонатан кои и давал поддршка, но го сакала и Стивен.

„Не постоеше алтернатива, му бев посветена на Стивен и мислев дека не може без мене. Сакав да продолжи со својата работа, сакав семејството да има стабилен дом и затоа останав во бракот“ – изјавила Џејн.

Во нивниот живот Џонатан бил дел од нивното семејство сите тие години, им помагал на Стивен и Џејн, а се грижел и за нивните деца.

„Не спои осаменоста, двајцата бевме многу осамени луѓе, а потоа се пронајдовме еден со друг“ – изјавила Џејн, која го запознала Џонатан кога му починала сопругата. Тврди дека нема сомне оти нејзиниот најмлад син, Тимот е на Стивен, а не на Џонатан.

„Еднаш кога нашиот брак заврши, работите експлодираа. Едно време беше невозможно да комуницираме. Многумина изјавуваат дека е потребна една година за секои пет години во бракот за да се опоравите од разводот“.

За Џонатан се омажила во 1997 година.

„Не гледам на својот живот како на два брака, туку како на континуитет, бидејќи многу долго живеевме во хармонија се до мојот развод“ – изјавила таа.

„Можам да се потпрам на Џонатан, можеме да се потпреме еден на друг. Стивен повеќе зависеше од мене. Напорно работеше и беше многу успешен, но никогаш не се чувствував како да можам да се потпрам на него“ – тоа го навела како главна разлика меѓу нејзините два брака.

Италијански готвач открива како правилно се јаде пица

Постои начин на јадење на пица за кој италијанскиот готвач Стефано Цирен изјавува дека е единствениот вистински начин на консумација.

Додава и дека ретко кој јаде на таков начин.

Италијанците ова јадење го спремаат многу често и со многу внимание. Некој ја сече на триаголници, па со прсти го зема секое парче и грицка од врвот до корите.

Други пак ја сечат и ја јадат со виљушка, трети тргнуваат од средината, бидејќи не можат да го дочекаат најдобриот дел, па се побавно кон кората која на крајот ја оставаат.

Готвачот Стефано Цирен изјавува дека вистинскиот начин е да се преклопи еднаш, па уште еднаш и да се јаде како сендвич.

„Треба да ги стиснете рабовите на пицата, левата и десната страна да се преклопат. Пицата мора да биде мека, никако крцкава. Тоа е улична храна која се јаде во движење. На тој начин ја јадат луѓето во Неапол“ – објаснил за „Дејли меил“.

Авионот на Елвис Присли повторно на аукција

Авионот кој некогаш му припаѓал на Елвис Присли, а кој бил паркиран на пистата во Ново Мексико скоро четири децении, повторно е на продажба.

Елвис, како што се наведува, самиот ја дизајнирал внатрешноста на авионот.

Црвениот авион од 1962 година, нема мотор и неопходна е обновата на пилотската кабина, пренесува „АП“.

Сајтот за аукција „IronPlanet” објави дека авионот со седишта од црвен сомот и црвен тепих се враќа на продажба, откако моменталниот сопственик го купил минатата година за 430.000 долари.

Тврди дека спиела со милион мажи: Порано ми купуваа автомобили, а сега добивам само бакшиш

Триесет и двегодишната Кат Ли од Манчестер тврди дека во својот живот спиела со милион маж за пари.

Со проституција почнала да се занимава на 18 години, откако направила неколку разголени фотографии со својата сестра близначка.

„Имав повеќе од милион клиенти. Почнав уште како тинејџерка. Се започна кога јас и мојата сестра направивме сет разголени фотографии за еден магазин. Подоцна фотографот ни рече дека би биле добри за снимање на филмови, бидејќи сме близначки“ – раскажува таа за „Мирор“.

После скоро 15 години, Кат ја напуштила долгогодишната професија за да се занимава со хуманитарна работа, а воедно да работи и во еден локален паб.

„Чудно ми е бидејќи постојано размислувам како сум можела да работам еден час за 140 фунти, а денеска работам за седум фунти“  - изјавува таа.

„Кога бев ескорт ми купуваа автомобил и ми плаќаа летувања, а сега добивам само 20 отсто бакшиш“ – се пожалила Кат.

„Мојот типичен ден почнуваше во девет наутро. Луѓето го сакаа утрото бидејќи сакаа да се опуштат пред работат. Никогаш не знаев кога ќе биде најголемата гужва, но главно тоа беше навечер, околу 18 часот и во неделите околу 15 часот“ – тврди таа.

Клиентите ги делела на две групи – оние кои бараат друштво и кои спрема неа се однесувале како спрема девојче и оние кои биле агресивни.

„Еден доаѓаше само кога жена му одеше во шопинг, друг ми купуваше автомобили и ме водеше во Париз и Рим. Со него се чувствував како да сум Џулија Робертс“ – изјавува и додава дека во целата кариера имала само една потенцијално опасна ситуацијата кога клиентот ја нападнал и и ги земал парите.

 

притисни ентер