Трамп: Можеби Меланија ќе си замине следна од Белата куќа

Иако шпекулациите за разводот на Доналд и Меланија Трамп беа често тема на медиумите, последниот говор на американскиот претседател предизвика сомнеж дека тоа навистина би можело да се случи.
Американскиот претседател Доналд Трамп се појави на гала вечер во клубот Гридирон во Вашингтон, каде се собраа многу влијателни луѓе од светот на медиумите и политиката.

Тој бил поприлично расположен, па неговите шеги многумина од присутните гости ги оставиле збунети. Сепак тоа што најмногу ги заинтригира гостите е пораката која ја испратил, а се однесува на неговиот тим, но и на првата дама.

„Толку луѓе заминуваат од Белата куќа. Постојано е возбудливо и прометно. Јас сакам хаос. Навистина е добар. Прашањето кое постојано ми го поставуваат е ’Кој ќе си замине следен’? Стив Милер или Меланија’“, ги пренесе „СиЕнЕн“ неговите зборови.

Со оглед на тоа дека овој брачен пар поминал низ многу бури во својот однос, шегата која ја изговори Доналд сите присутни ги остави затечени, а многумина се запрашаа дали е се во ред меѓу нив.

Потсетуваме, нивниот брак беше најмногу загрозен после секс-скандалот со порно актерката Сторми Даниелс, која уште во 2011 година во интервју за „In touch” ја призна аферата.

Место на улица, ВМРО- ДПМНЕ битката ќе ја води низ институциите

ВМРО – ДПМНЕ нема да им се придружат на демонстрантите низ улиците.

Пратениците на опозицијата остануваат во собраниските клупи да делуваат одвнатре – ова се ставовите на Мицковски по средбата со еден од учесниците на протестите

Воедно на средбата беше изразено разбирање за огромната загриженост на граѓаните околу штетниот договор и последиците кој тој ги носи.

На средбата Претседателот Мицковски потенцираше дека ВМРО-ДПМНЕ ќе ги користи сите демократски мерки и принципи кои се во насока на јасно изразените ставови на партијата  во однос на ова прашање. – соопштија од партијата.

Демонстрантите од пред седиштето на партијата на Мицковски побараа оставка од пратениците.

Олумчев изјавата ја даде пред седиштето на ВМРО-ДПМНЕ, а претходно заедно со останатите протестираа и пред Собранието.

Насобраните граѓани, без транспаренти, но голем дел од нив го вееја македонското знаме и пееја патриотски песни.

Не сакаат да се промени уставното име Република Македонија.

Негодувајќи на потпишаниот договор меѓу Македонија и Грција, го запалија документот. Протестот траеше речиси три часа.

Салвини: За жал Ромите не можеме да ги протераме

Италијанската влада планира да спроведе попис на Ромите кои живеат во таа земја за да се утврди колкав број од нив тука престојуваат илегално, изјави министерот за внатрешни работи.

Меѓутоа, Матео Салвини додал и дека “за жал, италијанските Роми нема да може да ги протера“.

Салвини, лидерот на крајно десничарската „Лига“, за телевизијата „Ломбардија“ изјавил дека неговото министерство го разгледува “ромското прашање“ и сака да види “колку“ Роми има во Италија.

Изјавата на Салвини, предизвикала критика кај Демократската партија која изјавила дека неговиот повик потсетува на “етничко чистење“, пренесува „Ројтерс“.

Тој потоа реагирал со соопштение во кое изјавил дека владата нема намера да прави посебна архива за Ромите или да зема отпечатоци од прсти, туку сака да ги заштити ромските деца, чии родители им забрануваат да одат во локалните училишта.

Додал дека сака да провери како се трошат средствата на Европската унија наменети за помош на маргинализираните заедници.

Салвини минатата недела предизвика “бура“ во Европа кога одби да дозволи хуманитарни бродови со повеќе од 600 африкански мигранти да влезат во италијанските пристаништа.

Поповски: Лажните вести носат пораки на национализам, поделба и раздор

 Лажните вести речиси секогаш носат пораки на национализам, поделба, раздор, конфликт и омраза. 

Проблемот со лажните вести е сериозен и треба посветено да работиме на справување со овој предизвик, порача денеска од Велес министерот без ресор, задолжен за комуникации, транспарентност и отчетност Роберт Поповски.

- Видовме, не само деновиве, туку и низ годините наназад, колку штетна може да биде пропагандата, дека тие лажни зборови честопати поттикнуваат вистинско и брутално насилство и агресивно однесување, истакна Поповски на форумот посветен на справувањето со дезинформации.

Тој оцени дека завчера, за време на насилните протести во Скопје, но и во континуитет на социјалните мрежи, се шират лажни и вознемирувачки вести вклучувајќи наводни жртви на полициска бруталност, за кои се користат стари фотографии од личности од светот, лажни текстови и постови. 

Говорејќи за поставеноста на Владата за справување со овие предизвици на дигиталното дезинформирање, Поповски го истакна повикот на Владата за конструктивна атмосфера и отворена дебата со граѓаните за секое отворено прашање, без страв, заплашување и притисоци да градат сопствени ставови за секое отворено прашање, посебно акцентирајќи го претстојниот референдум за Договорот со Република Грција.

Според министерот за информатичко општество и администрација Дамјан Манчевски, лажните вести имаат за цел намерно извртување и манипулирање на јавноста. Тој потсети дека измените во законот за аудио и аудиовизуелни медиумски услуги гарантираат услови за професионализација на медиумите и даваат шанса политичарите да ги тргнат рацете од медиумите. 

- Клучот е во новинарска фела, да се саморегулира и се држи до етичките и морални стандарди. Владите и сите политички субјекти мораат да се држат до овие стандарди, нагласи Манчевски.

Директорот на Канцеларијата на УСАИД за општ развој Едвард Гонзалес смета дека граѓаните треба да развијат практика на следење на вести од различни извори и да бидат критични кон информациите кои ги конзумираат, а од друга страна Владата да промовира транспаретност и отчетност.

притисни ентер