Како што се наведува, 23 дипломати ќе бидат протерани бидејќи Москва “одбила да објасни како нервниот агенс направен во Русија е употребен за труење на Скрипал во Велика Британија“.
Премиерката Тереза Меј изјавила дека руските дипломати кои имаат недела дена да заминат од земјата, се идентификувани како “непријавени разузнавачки претставници“, пренесува „БиБиСи“.
Владата ќе вклучи и амандмани од типот на Магнитски во законот за санкции, рече Меј и додаде дека владата ќе ги зголеми проверките за Русите што доаѓаат во земјата.
„Нема место за корумпираните елити во Велика Британија“, рече британската премиерка.
Ќе бидат откажани и контактите на високо ниво со Русија, а поканата за министерот за надворешни работи Сергеј Лавров за посета на Велика Британија е повлечена. Министрите и достоинствениците нема да присуствуваат на Светското првенство, пренесе Гардијан.
Меј рече дека може да се преземат и други мерки што нема да бидат објавени.
Таа рече дека Велика Британија сакала подобар однос со Русија, но дека е „трагично“ што претседателот Путин се однесувал вака.
Меј рече дека Велика Британија не е сама и дека разговарале со сојузниците, кои го поддржуваат овој потег.
Британија бара дебата во ОН, рече Меј и додаде дека владата се обидува да овозможи Организацијата за забрана на хемиско оружје да го потврди она што го тврди Велика Британија.
Русија негира вмешаност во обидот за убиство на поранешниот руски двоен агент Сергеј Скрипал и неговата ќерка Јулија.