Свет

Уште една мистериозна смрт во Лондон на влијателен Русин

Рускиот емигрант и политички азилант Николај Глушков е најден мртов во неговиот дом во Лондон .

Глушков важеше за близок пријател на покојниот олигарх Борис Березовски , за кој се верува дека под сомнителни околности се обесил во својот дом во Лондон , откако го исгуби судскиот спор со Роман Абрамович .
Причината за смртта на Глушков се уште не е позната. 68 – годишниот Глушков на свој пријател му соопштил дека има интересни информации за Березовски . Глушков во деведесетите години работел во руската авиокомпанија Аерофлот и во автомобилската компанија Лого ВАЗ во сопственост на Березовски .

Во 1999 Березовски се судрил со Владимир Путин и побегнал во Британија . Тогаш Глушков во Русија бил обвинет за перење пари и бил пет години во затвор . Во 2004 бега во Британија , каде добива политички азил .
Во 2011 тој во судот во Лондон сведочел во корист на Березовски , кој го тужел Роман Абрамович . Во 2013 Березовски е најден мртов во домот на својата сопруга во Беркшир .
Глушков ја истражувал смртта на Березовски и изјавил дека многу Руси починале во Британија под неразјаснети околности . Минатата година на Глушков во отсуство му се судеше во Русија за кражба на 123 милиони долати и беше осуден на 8 години затвор.

Засега Британските власти не ја поврзуваат смртта на Глушков со труењето на екс двојниот шпион Сергеј Скрипал и неговата ќерка Јулија.

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер