Со бесплатен јавен превоз Германија ќе ја намалува аерозагаденоста

Германската влада ги разгледува плановите за воведување бесплатен јавен превоз во градовите со аерозагаденост.
Идејата беше испратена во писмо до Еврокомесарот за екологија Кармену Вела , потпишано од Германскиот министер за животна средина , Барбара Хендрикс, министерот за земјоделство , Кристијан Шмит и државниот секретар Петер Алтмајер.

Во писмото се предлага воведување бесплатен јавен превоз во градовите сом проблеми со загадувањето , за да се намали употребата на автомобили , дополнителни субвенцииза електрични автомобили , како и технички прегледи за постоечките возила .

Овие мерки ќе бидат испробани во Бон , Есен , Херенберг,Ротлинген и Манхајм . Од Владата велат дека веќе бил постигнат договор со локалните власти , иако шефот на советот на Германските градови смета дека е изнендаден од ваквата идеја. Хелмут Деди вели дека знаел за намалување на цената на билетите во некои градови , но доколку треба превозот да биде бесплатен , тогаш трошокот ќе треба да падне на Федералната влада.

Најголемниот дел од јавниот транспорт во Германија е во сопственост на локалните власти .

Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер