Градежните активности и реализацијата на проектите во општина Охрид продолжуваат со несмалена динамика.

Градоначалникот Пецаков заедно со тимот, администрацијата, советниците кои ја поддржуваат работата на градоначалникот Пецаков по оној историски момент кога ја одблокира општина од децениски долгови и неколку јавни претпријатија продолжува со несмалена динамика да ги реализира ветувањата кон граѓаните, ги подобрува условите во општина Охрид и ја збогатува туристичката понуда нешто што му е важно на Охрид.

Она кое е денес предмет на нашата посета е увид во градежните активности во 3 клучни проекти спортска сака, училиште и авантуристички парк.

Јас само можам да посакам на овој прв ден од кампањата за парламентарните избори да посакам уште многу вакви проекти.

Знам дека амбицијата на градоначалникот Пецаков е огромна, знам дека неговата желба да направи проект повеќе за охриѓани е огромна и таа желба ќе биде уште поинтензивна откако ВМРО-ДПМНЕ ќе ја формира следната влада и ќе се реализираат уште поголем број проекти, дури и проекти кои се за доброто на охриѓани, а истовремено можеби не биле дел од ветувањата во кампањата за локалните избори во 2021.

Уште еднаш му честитам на Кире, честитам на администрацијата на советниците кои ја поддржуваат работата на досегашните пратеници во македонскиот парламент, но и идните пратеници во македонскиот парламент кои несебично до сега, а и во иднина ќе ја поддржуваат развојот на Охрид и ќе соработуваме со градоначалникот Пецаков и администрацијата овде.

Христијан Мицкоски, претседател на ВМРО-ДПМНЕ

Со почит,

Центар за комуникации на ВМРО-ДПМНЕ

На 16 април во хотелот Double Tree by Hilton се одржа традиционалниот Vivax Cool Day 2024 во организација на Паком, членка на М-Сан Групацијата и официјален увозник и претставник на Vivax во Македонија.

Секоја година Скопје е дел од низата ексклузивни Vivax настани на ниво на групацијата, каде што се прави ретроспектива на постигнатите резултати од изминатата година и се презентираат сите нови и возбудливи технолошки иновации кои можеме да ги очекуваме на нашиот пазар.

Оваа година Vivax Cool Day донесе посебно расположение со најавата за претстојниот јубилеј.

„Овој настан е од огромно значење за нас, како и за целата групација, особено што оваа година Vivax ќе прослави јубилејни 20 години. Овој настан е најава на активностите кои претстојат во периодот што следи, а ние како тим имаме ексклузивна можност први да се запознаеме со возбудливите енергетски-ефикасни иновации со кои континуирано го подобруваме животот на нашите бројни корисници“ – велат од Паком Македонија.

Од компанијата додаваат дека покрај инспиративноста на сѐ она што иновациите го носат со себе, за нив е најважен фактот што во сржта на Vivax брендот грижата за околината, одржливиот развој и чистата животна средина се императив. ​

Повеќе од 300 гости на Vivax Cool Day 2024 имаа можност да ги проследат трите презентации на кои беа претставени новитетите во Vivax климатизацијата кои допрва ќе го освојат нашиот пазар, VRF системите, сегментот за постпродажба и пристапот кон корисничкото задоволство, односно сѐ она што го прави Vivax омилен бренд на над 100.000 домаќинства.

Покрај инспиративните технолошки новитети, гостите уживаа во стенд ап настапот на актерката Надица Петрова, како и во енергичниот музички настап на Агни Авшар и нејзиниот камерен џез состав. Како и секоја година, најголемите познавачи на брендот според Vivax онлајн квизот освоија посебни награди за признание и сеќавање на овој настан.

Сите активности на еден од најбараните брендови во нашата земја се достапни на социјалните мрежи.

На детското одделение во прилепската градска болница се лекува петмесечно бебе со голема кашлица. Според Центарот за јавно здравје, бебето од селото Житоше, општина Долнени, имало примено прва доза вакцина, а родителите се загрижиле кога почнало нетипично да кашла, повраќало и помодрело.

- Бебето во моментов прима соодветна терапија и е во добра општа здравствена состојба. Симптомите кај детето со кашлица и повраќање се јавиле околу 13-ти овој месец по неколку дена откако примило прва вакцина за пертусис. Веднаш било донесено на детското одделение во прилепската болница каде е хоспитализирано. Поради карактеристичните симптоми, лекарите веднаш се посомневале дека станува збор за голема кашлица. Нè алармираа и од тие причини е побарано да се направи лабораториска дијагностика. Веднаш е дадена антибиотска терапија и детето е во општа добра состојба. Ова дете има примено една доза вакцина неколку дена пред појавата на симптомите. Значи во периодот кога детето ја добило вакцината се наоѓало во инкубација на болеста., изјави Татијана Мургоска Станимировиќ, епидемиолог во Центарот за јавно здравје од Прилеп.

Од Центарот за јавно здравје веднаш почнале со епидемиолошкото истражување, посебно кај возрасните и другите лица кои имале контакт со бебето и за нивниот вакцинален статус.

Ова е всушност втор случај на пертусис од Прилепскиот регион. Пред еден месец е констатиран кај уште едно петмесечно бебе од долненското село Дебреште, но било со лесни симптоми и веќе е оздравено. И тоа бебе имало примено прва доза вакцина.

Според епидемиологот Татијана Мургоска Станимировиќ, ситуацијата будно се следи во Регионот и не се смета дека ќе се разниша епидемиолошката состојба.

- Со оглед на тоа дека кај нас опфатот, всушност, на сите видови вакцини, е висок, а се водеше кампања да се вакцинираат и најголемиот дел од пропуштените вакцини, кај нас не очекуваме некоја подраматична слика. Секако дека ќе има спорадични, односно изолирани случаи, но сега-засега не очекуваме нешто подраматично да се случува, вели Мургоска Станимировиќ.

Опфатот на вакцинирани во Прилеп е преку 90 проценти. Од диспанзерот за вакцинација почнаа теренска посета за вакцинирање во пресрет на неделата за имунизација.