„Траекторија“ одложена за 1 март

Судското рочиште за предметот Траекторија се одложи за први март.
Поранешниот премиер Никола Груевски во судницата побара од Судот  да ги отфрли СМС пораките како недозволен доказ, бидејќи, како што рече, нивната содржина може многу лесно да се манипулира, а и дека невозможно е да се утврди нивната автентичност. Тој додаде дека пораките можеле да се контаминираат и во СДСМ и во Специјалното јавно обвинителство.

Груевски рече дека Судот работи под политички притисок и побара да има еднаков третман како оној што ми се дава на премиерот Зоран Заев во случајот “Поткуп”. Во изјава за медиумите на шега рече дека во судот доаѓа толку често што треба да му дадат канцеларија и плата.

За време на денешното рочиште одбраната го бараше записникот и ЦД-то со снимениот материјал од претходното рочиште со цел да дадат соодветна одбрана. Адвокатите исто така побараа да добијат и копија од прислушуваните разговори, но и побараа да бидат отфрлени вештачењата за овој предмет бидејќи според нив тие се направени од вештаци без лиценци. На ова Обвинителката Лиле Стефанова рече дека таа повеќе нема да се произнесува по предлози кои постојано се повторуваат.



Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер