Македонија

Препораки за компаниите и агенциите за новата верзија на Гугл Хром

Здружението за интерактивно огласување ИАБ Македонија, излезе со препораки за компаниите, огласувачите и издавачите со промените и трендовите кои што доаѓаат во оваа индустрија по најавата на Интернет компанијата Гугл дека утре ќе ја објави новата верзија на својот прелистувачот Хром со вграден AdBlocker, кој автоматски ќе блокира несоодветни рекламни формати.


- Следејќи ги најавените промени од страна на Гугл дека од утре интернет прелистувачот Хром ќе блокира и нема да прикажува одредени формати на огласување кои се категоризирани како наметливи и непосакувани, а со цел подобро корисничко искуство и подобри огласни решенија, во иднина кога ќе се подготвувате за реализација на дигитална кампања во предвид да ги земете препораките објавени на страната на Coalition for Better Ads за огласни решенија достапни на следниов линк.”, вели претседателот на ИАБ Македонија, Борис Ефтимовски.

Оваа промена, додаваат, е значајна за сите онлајн медиуми, огласувачи и маркетинг агенции, како и за самите посетители.
ИАБ Македонија ја поддржува оваа промена, бидејќи е поттикната со цел pодобрување на корисничкото искуство и ставање на малку ред во дигиталното огласување. Промената е поттикната од коалицијата Coalition for Better Ads во која членуваат едни од најголемите компании во светот како Гугл, Мајкрософт, Унилевер, како и ИАБ, во чија глобална мрежа учествува и ИАБ Македонија.

Листа на форматите кои ќе бидат опфатени ќе пронајдете на следниов линк https://www.betterads.org/standards/.

ИАБ Македонија е здружение формирано од страна на повеќе дигитални и маркетинг агенции во Македонија.

Фудбал

Газета дело Спорт: Пиоли би можел да добие отказ од Милан доколку биде елиминиран од Рома во ЛЕ

Стефано Пиоли би можел да го напушти Милан доколку Рома го исфрли од Лигата на Европа.

Во првиот натпревар од четвртфиналето во второто по квалитет клупско фудбалско натпреварување во Европа, Рома на гости го победи Милан со 1:0.

Според „La Gazzetta dello Sport“, иднината на Пиоли во Милан зависи од исходот на реваншот, како и од резултатот на натпреварот со Интер во Серија А. Се забележува дека натпреварот со Рома ќе има посериозно влијание врз кадровските одлуки.

Доколку Милан се пласира во полуфиналето на Лига Европа, иднината на Пиоли во клубот нема да биде загрозена.

Во случај на оставка важна улога во изборот на нов тренер ќе има мислењето на Златан Ибрахимовиќ.

Пиоли е во Милан од 2019 година. Под негово водство тимот стана шампион на Италија во сезоната 2021/22. /МИА

Регион

Вучиќ го осуди нападот врз хрватските граѓани во Панчево

Претседателот на Србија Александар Вучиќ денеска го осуди физичкиот напад врз четворица хрватски државјани во Панчево минатиот викенд и додаде дека надлежните органи ќе направат сè за да ги гонат одговорните за тој инцидент.

„Тоа е недозволиво, никаде не смее да се случи такво нешто, ниту кај нас, ниту во регионот“, рече претседателот на Србија на отворањето на Бизнис саемот во Мостар.

Министерството за надворешни и европски работи на Хрватска претходно испрати протестна нота до Србија во врска со физичкиот напад врз четворица хрватски државјани минатиот викенд во Панчево.

Регион

Хрватска упати протестна нота до Србија поради нападот врз нејзини граѓани во Панчево

 Министерството за надворешни и европски работи на Хрватска упати протестна нота до Србија во врска со физичкиот напад врз четворица хрватски државјани минатиот викенд во Панчево, соопштено е денеска во Загреб.

„Министерството за надворешни и европски работи на Хрватска упати протестна нота до Република Србија во врска со неиспровоцираниот тежок физички напад што се случи на 13 април во Панчево, врз четворица хрватски државјани, како и врз двајца српски државјани кои дошле во нивна одбрана“, се вели во соопштението на министерството.

Хрватското Министерство најостро го осуди тој чин, кој, според достапните информации, е јасно национално и етнички мотивиран.

притисни ентер